Benûsen de xebata restorasyone dewam kena

Şaredarîya Bajarê Girdî ya Dîyarbekirî, semedo ke Sûranê Dîyarbekirî yo ke Lîsteya Mîrasanê UNESCOyî de ca gêno bipawo û biresne ajê bînan xebata restorekerdişê sûran dabî dest pêkerdiş û çarçiwa xebatan di xebata serrastkerdişê dorûverî zî dest pê kerd.

Şaredarîya Girdî semedo ke dorûverê sûran de xebata serrastkerdişî biviraze weşonayîşê binyatê dormeleyê sûran qedînay û goreyê eslê sûran zî xebata restorasyonî domneno.

Xebate hetê Serekîya Dayîreyê Park,Baxçe û Cayanê Zergûnînan ya Şaredarîya Girdî pê nameye “Projeyê Teberê Sûr ya Serrastkerdişê Dormeleyê Benûsen” ame serrastkerdiş.

Proje 36 hezar û 157 metrekareyin ca de mabênê bircanê bi humara 26-45 bêra viraştiş. Mabêne proje de rayîrê meşîyayişî, terasê ewnîyayişî, rayê bisqîlêtan, cayê parke bisqilêtan, cayê aktîvîteyan yê akerde, nuqteyê fotrafan û buroyê mişewre turîzmî ca gêno.

Proje de yena hedefkerdiş ke Sûranê Dîyarbekirî temaşe bikerê, terasê ewnîyayişî û cayê fotrafontişî bêrê viraştiş.

Îhale virazîya

Îhaleyê proje 22ê Adare de virazîya 2 fîrma tewrê îhaleyî bîyî. Goreyê mewzuatî pêşnîyazan bêra wekenitiş û bade bêra aşkerakerdiş.