“Fuarê Gastronomî û Turîzme ya Mezopotamya “dest pê kerd

Walîyê Dîyarbekirî Munır Karaloglu, Fuaro Turîzm û Gastronomî ya Mezopotamya ya ke wayîrîya Walîtîya Dîyarbekirî û sponsorîyê Şaredarîya Bajarê Girdî ya Dîyarbekirî de virazîyeno, akerd.

Walî Karaloglu: “Ma wazeme ke potansîyelê turîzm û ekonomîyî ya bajarî xo veje û ciwananê xo rê kar û gure peyda bikerî” vat.

Semedo ke wa herkes kultur,tarîx û tehmê Mezopotamya bizanê û wa  destînasyonê turîzmî de cayê xo bigîro Fuarê Turîzm û Gastronomî ya Mezopotamya bere xo akerd.

Walîyê Dîyarbekirî Munîr Karaloglu akerdişê fuare de qalî kerd û da zanayene ke bajarê ma babete gastronomiye Mezopotamya cayêko girîng der o aye ra “Heta ke şima gastronomîyê Mezopotamya nênuse şima nêeşkenê tarîxê gastronomi binusê.”

Karalogluyî vîr vîst ke mabênê averşîyayişê turîzmî û fûaran de pêwendîyêko zaf estê û bade qalîkerdişê xo wina domna : “Ma wazeme ke potansîyelê turîzm û ekonomîyî ya bajarî xo veje û ciwananê xo rê kar û gure peyda bikerî û aye ra zî îxtîyacîyê ma nê fuaran rê estê.”

Bakurê Qibrise emser mêymanê rûmet ya fuare bî û Karalogluyî kîfş kerd ke mabênê Dîyarbekir û Bakurê Qibrise hem hetê bazirganî hem zî hetê perwerdeyî têkilîyêko weş esta.

Karalogluyî bal ont giringîya bazirganîyê mabênê Hewlêr û Dîyarbekirî zî û aşkera kerd ke semedo ke têkilîyan aver şêrê û hemwelatîyan pê teyara direkt û erjan şêrê Hewlêrî xebatanê ma dewom keno.

Karalogluyî vîr vîst ke Dîyarbekir, Rîha û Mêrdîn Dîyarbekir hîregoşê zerne Mezopotamya de ca gêna aye ra hetê turîzmî wayîrê potansîyelêko pîl ê û  Karalogluyî badê wina vat : “Nê bajaran de reya sifte hetê Jolly Tur,  tûrê yeqînî û kulturî dest pê kerdo û nê turan averberdişê qelîteya turizme cayêko girîng der o û aye ra ez zaf spas kena.”

16 welat û 30 şaredarî ra beşdaran ameyî

Qalîekrdişan ra dima beşdaran reyde akerdiş virazîya. Wezîrê Turîzmî ya KKTCyî Fıkrı Ataoglu, Walîyê Hewlêrî Omîd Xoşnav, dezgeyê sîvîlan û 16 welat û 30 bajaran ra beşdaran tewrê fuarê bîyî. Fuar hetanî 27ê Adare akerde yo.