Sergîyê “Makînayanê Cezerî” a bî

Wezîrê Karanê Zereyî Suleyman Soylu û Walîyê Dîyarbekirî Munır Karaloglu, sergîyê El Cezerî yo ke, çaxê zernê Îslamî de zanyarê Îslamî yo tewr verên o û muhendisê ke tewr verên sîbernetîk ser o xebat kerdo yo, akerd.

Cîhazanê ke El Cezerî seserra 13ine de Kitab-ûl Hîyel de xêz kerdbî açarîya makînayan û Birca Bize de sergi di cayê xo girewt.

Erebeyo ke perreno ya Tirkîya yê sifte ke hetê Baykar pê tesîrê Cezerî virazîyayo û prototîpê makînayanê Cezerî sergi de hetê hemwelatîyan raştê eleqeyêko hewl yeno.

Akerdişê sergi de Wezîr Suleyman Soylu qalîkerdişêk viraşt û keyfweşîyê xo ard ziwanê xo ser û wina va : “Ma ewladê medenîyetêko pîl ê. Ma Pîrî Reîsî ra bigîrê hetanî Harezmî, Îbnî Sînayî ra bigîrê hetanî Cezerî hem teknîk hem zî îlm û manewîyatî mîras girewtê.Encax hemwelatîyan eşkenê mabênê huzur û aştîye de dimê îlm û bîlîmî de vozde.Ma semedo ke ciwananê xo biresnê raştîye û ma do çi deste ma ra bêro ma do texsîr nêkerî.Xeylê kar û gure ma estê.Rayê ma aşkera yo û semedê kesê xirab tîya de nîyî ma seba El Cezerîyo ke Saraya Artuqîyan de 25 serrî sey serendezyar xebetîyayo, tîya de yî.Ma ewro ey bi minnet yad kenî. Ma ciwananê xo rê zî înan nişan danê ke xo Rê nimuney bigîrê.”

Qalîkerdişê Wezîr Soyluyî ra dima Walîyê Dîyarbekirî Munır Karalogluyî kîfş kerd ke El Cezerî Kelaya Zerrî de Saraya Artuqîyan de 26 serrî sey serendezyar xebetîyayo û heme filzeyê xo tîya de îcad kerdo.Karalogluyî badê wina vat : “800 serrî ra dima ewro ina sergi de ma mesahêk erşawenê ciwananenê xo. Ma vanê ke eke şima biceribnê û çîyê ke şima bawerî meteriqnê şima zî eşkenê bibê Cezerîyanê newe. Ma wazenê merax bikerê û îcadan akerî sereyê ma.Ma wazeme ke no hîşyarî hetê zanistî zî bibe wesîleyê averşîyayişê ciwanan.” Karalogluyî beşdarbîyayişê Wezîr Soyluyî ver spas kerd û qalîkerdişê xo qedînay.

Akerdişn de Hetkara Midurê Pêroyî yê Muzeyê Cezerî ya Stenbolî Nısanur Çalışkanî zî qalîkerdişêk viraşt.

Qalîkerdişan ra dima Wezîr Soylu û WalÎ Karaloglu beşdaranê bînan reyde gêrayî û derheqê sergi de agahî girewt.

Sergîyê Makînayanê Cezerî

Sergî hetanî 18ê Gulane akerde yo û sergi 25 makînayî ke netîceyê xebatanê 15 serrîyin ya Durmuş Çalişkanî yo ke sey El Cezerî eynî malzeme û teknîkan viraşto yena pê.