Wezaretê Spor û Ciwanî pê hemparîyê Walîtîya Dîyarbekirî û Şaredarîya Bajarê Girdî ya Dîyarbekirî semedo ke wa erjê û weşîyê Çêrmugî vejo werte apur dayene zinaran,rayşîyayişê xoza û musabaqayê raftîngî serrast kerd.
Walîyê Dîyarbekirî Munır Karaloglu çalakîyê qezaya Çêrmugî de qalî kerd û wina vat: “Ma hemverê kesê ke 40 serrî yo bajarê ma pê hewayêko cîya nişan dayene, wazeme ke weşî û xozaya Dîyarbekirî herkes bizanê û Ma veng dane heme cîhane ke wext wextê newera kefşkerdişê Dîyarbekirî yo.”
Walîyê Dîyarbekirî Munır Karaloglu pê 7 raftîngvananê herême Tirkîya, bi seyan xozahes û sporbazan tewrê Rayşîyayişê Xoza ya Koyê Gelıncık, Apur Dayene Zinare ya Kanyonê Sînegî û Musabaqayê Raftîngê ya Çemê Sînegî bîyÎ.
Walîyê Dîyarbekirî Munır Karaloglu roja ke ameyo wezîfe ser nata semedê averberdişê turîzm û cayanê turîstîkan xebatanê virazeno.
Çalakî pê “Musabaqayê Raftîngê ya Çemê Sînegî” kw reya sifte yena viraştiş, dest pêkerd.Musabaqa de parkur 2.950 metre bî û musabaqa de 7 taximê ke Mugla, Stenbol, Dersîm,Colamêrg, Şirnax û Wan ra ameybî û bine banê Federasyonê Raftîngê ya Tirkîya de yê, mücadele kerd.
Walî Munır Karaloglu bi seyan kesê ke hem teberê bajarî ra hem zî merkeze bajarî ra ameybî Koyê Gelıncıkî ra heta apur dayene zinaran 6 kîlometre şî.
Badê Kanyonê Sînegî de 20 sporbazanê pîspor mabênê 10 û 16 metre zinaran de apur dayê.
Walî karaloglu ciwanan reyde govend ont
Çalakî de Walî Karaloglu ciwanan reyde govend ont û semedo ke wa bal biancê pawitişê xozayî zerenc firna û nebate endemik rona.
Pêynîya çalaki de Walî Karaloglu serkewteyê musabaqayê raftinge rê xelate înan teqdîm kerd.
Karalogluyî vîr vîst ke Qerejdax de Rayê Lavî, qezaya Çêrmûgî de Çirra Şeyhandedeyî û Şikefte Birkleynî ya qezaya Licê de zî çalaki virazîyaybî û va ma do daşinasnayişê bajare xo bidomnê.
Karalogluyî kîfş kerd ke xeylê weşîye bajare ma yê nimite estê û bade wina vat: “Ma hemverê kesê ke 40 serrî yo bajarê ma pê hewayêko cîya nişan dayene, wazeme ke weşî û xozaya Dîyarbekirî herkes bizanê û Ma veng dane heme cîhane ke wext wextê newera kefşkerdişê Dîyarbekirî yo.”
Ganî ma huzur û asayîşê xo sey çime xo bipawê
Karalogluyî vîr vîst ke huzur û asayîşê bajarî ma desteg dano daşinasnayişê turîzmê ya bajarî ma û bade qalîkerdişê xo wina domna : “Nika erjê ma yo en pîl, huzur û asayîşê ke bi rayberîyê Serekkomarê ma û hukmata ma ame viraştiş uyo.Eke ma hzuur û asayîşê bajarî xo bipawê ma eşkenê bajarê xo zî bide şinasnayiş.”
Kapadokya nîya la “Dîyardokya” ya
Karalogluyî îzeh kerd ke xîret keno ke weşîyê bajarî ma yo nimite bivejo werte xebetîyeno û bade wina vat: “Ma do parekerdişê weşîyî Dîyarbekirî bidomnê. Ma ewro gilê Govendî, sidare lojinê perîyan de hemwelatîyanê xo reyde demêko weş vîyarnayî.Ma va ke tîya Kapadokya Nîya la ma eşkenê vajîme “Dîyardokya”.Ma bade pêro pîya çimeyê Çemê Sînegî û apur dayene sporbazan temaşe kerd.
“Dîyarbekir wa bi hesiran nêy pê weşîyan bêra rojane”
Karalogluyî vîr vîst ke parke ke qezaya Gêlî de seba sporanê xoza û macerayî yena viraştiş hema hema qedîya yo.Karalogluyî qalîkerdişê xo wina domna :“Dîyarbekir wa bi hesiran nêy pê weşîyan bêra rojane.Ma wazeme ke heskerdiş bibo biratî bibo, suhbet bibo.Ez kesê ke kewte derece zî pîroz kena.Fikreumumiya Tirk wa Dîyarbekriî taqîb bikerê hîna ma do zaf pare bikerê.”
Çalakî rê Parlementerê AK Partî Mehmet mehdı Eker, Ebubekır Bal, Sermişawirê Serekkomar Gulşen Orhan, endamê MKYK yê Ak Partî Alaattîn parlak û Abdurrahman Kurt beşdar bîyî.”