Walî Karaloglu “Etabo 5ine Restorasyonê Sûran” sehna

Şaredarîya Bajarê Girdî ya Dîyarbekirî bi mottoyê “Geşbîyayişê Sûran” restorasyonê Sûranê Dîyarbekirî yo ke Lîsteya Mîrasanê Cîhane ya UNESCO de ca gêno, dabî dest pêkerdiş.Walîyê Dîyarbekirî Munır Karaloglu etabo 5ine ya restorasyonê sûran sehna.

Çarçiwa etabo 5ine ya restorasyonê sûran 11 birc bêrê restorekerdene û Walî Karaloglu hem xebatan sehna hem zî derheqê xebatan di agahî da.

Walî Karaloglu: “Armancê ma pawitişê Sûranê Dîyarbekirî yo ke Lîsteya Mîrasanê Cîhane ya UNESCO de ca gêno û bîyo erjê hemê merdimîye,  yo.Ma wazeme ke sûran bi eslê înan bipawê û biresnê ajê bînan” vat.

Şaredarîya Girdî semedo ke Sûranê Dîyarbekirî yo ke Lîsteya Mîrasanê Cîhane ya UNESCO de ca gêno, bipawe û biresnê ajê bînan xebata restorasyonê sûran domneno.

Serekkomar Recep Tayyıp Erdogan par zîyaretê Dîyarbekirî de talimat dayebî ke sûranê mabênê bi humara 63 û 73ê ke Gelice Dîcle vîneno û sûranê rojhelatî de ca gênê, bêrê restorekerdene û anye ser o xebatan dest pêkerdbî.

Walî karaloglu xebatan sehna û bade derheqê xebatan di agahî da û kîfş kerd ke etabo 5ine ya restorasyonê sûran de 950 metre sûranê Keleya Zerî ra xebatan dest pê bikero û hetanî sûranê ke Geliye Dîcle vîneno dewom bikero.Pêroyî de 11 birc bêrê restorekerdiş.”

Ma do sûran biresê ajê bînan

Karalogluyî da zanayene ke sûran bi serreyan bi deste insanan ameyê xiravkerdiş û bade wina vat: “Hemwelatîyan peye sûran û kişta sûran de keeyyê xo awan kerdo û bade zî semedê hîrekerdişê keyeyanê xo sûran xirav kerdo.Ma hemeyê înan etabo 5ine ya restorasyonê de raşt bikerî.Ma wazeme ke se ke ma sûran girewt ma zî sey eslê înan biresnê ajê bînan.”

Karalogluyî vîr vîst ke hetêk ra sûran yene restorekerdene heto bîn ra zî hetê Wezaretê Dorûverê û Bajarvanîye binyatê dormeleyê sûran yenê weşonayene û pêynîye xebatan tîya de Baxçeyê Şarî bêra ronayiş.

Karalogluyî: “Eke xebata restorasyone biqedêyo ma do dest pê projeye rekreasyonî bikerî. İna proje zî hetê lijneye ameyo testîqkerdiş û ma do inşallah Pêynîya xebatan di tîya sey cayê zergûnî û semedê ke hemwelatîyan bêrê tîya rehetî bigeyrê serrast bikerê.”

Karalogluyî kîfş kerd ke restorasyonê etabo 5ine sûran ra dima restorasyonê bircanê ke mabênê Birca Bize û Berê Merdînî de zî dewom bikero.Karalogluyî bade qalîkerdişê xo wina domna : “Ma Wezaretê Dorûverê û Bajarvanîye ra pêvînayişêk viraşt û ma do înşallah 500 metreyî ke mendo zî îhale bikerê. Serekkomar Recep Tayyıp Erdogan waşt wa ke xebata restorasyone hema bêra temomkerdiş û heme lebateyê ma zî seba ey o. Armancê ma pawitişê Sûranê Dîyarbekirî yo ke Lîsteya Mîrasanê Cîhane ya UNESCO de ca gêno û bîyo erjê hemê merdimîye, yo.Ma wazeme ke sûran bi eslê înan bipawê û biresnê ajê bînan”

Karaloglu ewilî xebatanê înan ver Serekkomar Recep Tayyıp Erdoganî rê bade Wezaretê Dormeleyî û bajarvanî rê spas kerd û aşkera kerd ke mabênê 500 roje de qismê 150 metreyine sûran temom bikerê û a bikerê zîyaretê şarî.

Nêzdîyê 500 binyat ameyê îstîmlakkerdiş

Karalogluyî vîr vîst ke Şareadrîya Girdî kişta xebata restorasyonê sûran dormeleyê sûran zî bi xebata îstîmlakkerdişî pak kerdo û nêzdîyê 500 binyatî ameyê îstîmlakkerdiş.

Karalogluyî badê wina vat: “Semedo ke hemwelatîyan Berê Rîha ra hetanî Berê Merdînî dormeleyê sûran de bigeyrê ma projeyêk viraşt û projeye ma hetê lijne testîq kerde yo û ma îhaleyê aye zî viraşt.İna xebate de zî destegê finansal ya Wezaretê Dormeleyî û Bajarvanîye esta.”

Ma do neqş û nuşteyê sûran temaşe bikerê

 Karalogluyî kîfş kerd ke pê qedîyayişîye projeyî hemwelatê ma do eşkenê Berê Rîha ra hetanî Berê Merdînî dormeleyê sûran de bigeyrê û neqş û nuşteyê sûran temaşe bikerê.”

Karalogluyî da zanayene ke Wezaretê Dorûverê û Bajarvanîye taxanê Ferît Köşk û Dîcle de mintiqa Fîskaya de projeye peseragêrayîşê bajarvanî esta.Karalogluyî : “Nika ina mintiqa de nêzdîyê 250 keyeyî yenê weşonayiş.Netîceyê xebatan de o mintiqa do zergûn bimane.”

Walî Karaloglu badê mintiqa Benûsen û Birca Hewt Birayî de xebatan sehna.

Restorekerdişê sûran hetê Serekîya Dayîreyê Îmar û Bajarvanî serra 2021 de dîyabi dest pêkerdiş û çarçiwa etabo sifte ya restorasyonî de 2 bircê ke Berê Rîha paweno,Birca Ben û Sen, Birca Hewt Birayî, Bircê Nur û Selçuklu de pêroyî de 6 birc û desê bircan de zafêrê xebatan qedînay.

Çarçiwa Etabo diyîn ya restorasyonî de zî 11 bircê Îçkale û birce bi hûmarê 75-76 pêroyî de 13 birc û desê pawitişê Amîda Hoyuk de xebatan dewom keno.

Restorasyonê Bircê bi hûmarê 1,2,3,7 û 8 etabo hîreyin de ca gêno û tîya de şebekeye awe yo ke deme Kanunî Sultan Suleymanî ra vinîyabi.

Bircê Dagkapi û Ulu Beden ê ke Meydanê Şêx Seîdî de ca gênê, bi qedîyayişê  xebata restorasyonî biba Muzeyê Xetî ya Hamıd Aytaçî.

 

Serrnameyî de bigêre

« Teşrîne 2022 »
Diş Sêş Çrş Pan Yen Şem Yşm
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31