Walî Karaloglu: “Ma do no bajarî hende bivurnê ke herkes do biwazê tîya de bicuwê”

Walîyê Dîyarbekirî Munır Karaloglu muxtar û qeymeqomî merkez û qezayon reyde fitar de ame têhet.

Fitar qezaya Yenîşehrî de otelêk di pê tewrê Walîyê Dîyarbekirî Munır Karaloglu, Parlementeranê AK Partî Ebubekır Bal û Oya Eronat, qeymeqomî qezayon, Şaredarê Baxlarî Huseyın Beyoglu, Fermandarê cendermeyî yê Bajarî Tuxgeneral Gokhan Çıloglu, Midurê Asayîşê Bajarî Dr.Huseyın Aşkın û midurê sazgehan virazîya û Walî Karaloglu fitar de goşdarîya problem û waştîşanê muxtaran kerd.

Karalogluyî fitar de qalîkerdişêk viraşt û da zanayene ke aşma Remezanî aşma parekerdiş, yewî û newebîyayişî ya.

Karalogluyî da zaneyene ke o Remezanî sey firsendêko pîl vînena û aye ra zî fitare de her şewe cîya-cîya tax û dewan de beno mêmanê hemwelatîyan. Karalogluyî kîfş kerd ke pandemî ver kombîyayişêko winasî hetanî nika nêeşkeno ke bivirazo û badê qaLîekrdişê xo wina domna: “Ez nêzdîyê 2 serrîya ke lebate kena ke ina bajaro qedîm û şarê ey rê xizmet bikera. Ma pandemî ver hetanî nika lete lete ameyê têhet la ma ewro pêro pîya tîya de yî.Prosesê pandemÎ hem welatê ma hem zî hemeyê cîhane eciz kerd. La şikir Homayî rê ke hem bajarê ma hem zî welatê ma xelas bî. Pandemî ver îstîhsal verê vindertişî de yo aye ra zî hemeyê cîhane de probleme xida 3u malzemeyan estê.La ma bawerê ke ma do bi serkewtişî ina prosesê zî biqedînê. Bawerîya ma welatê ma rê û Serekkomarê ma rê estê.”

Karalogluyî vîr vîst ke hetêk ra pê îmkananê Walîtîya Dîyarbekirî, hetêk ra Şaredarîya Girdî heto bîn ra zî bi şaredarîyê qezayon semedê safîkerdişê problem abi seferberi xebetan dewam keno û badê qalîekrdişê xo wina domna: “Ma 17 qeza de hem merkeze bajarî de hem zî teberê bajarî de semedê safîkerdişê probleman xebetiyenî.Ma hemeyê probleman safî nêkerd la ma yew bi yew semedê safîkerdişê înan xebetiyenî. Ma aye ra zî şima reyde yenî têhet û goreyê encamê nê kombîyayişan xebatanê xo kenî.Ma do aşma Gulane ra dima dest pê raştkerdişê rayîrê dewan bikerî.Heto bîn ra zî ma do semedê safîkerdişê probleme awa şimitişî bixebitnê.Îmkananê ma estê, çime hikmatê ma zî estê.”

Karalogluyî da zanayene ke muxtaran mabênê hemwelatîyan û dewlete de sey pirdo

“En çîyê giring huzur û asayîşê na komele yê”

Karalogluyî aşkera kerd ke Dîyarbekir mabênê bajaranê Tirkîya û cîhane de bajaro en keyfweş û bi huzurin o û bade wina vat: “Semedê asayiş û huzure bajarê ma zaf bedel dîya. La en zehmetîyê gran şarê Dîyarbekirî ant la saya hikumate ma nê rojanê tarî qedîya.Ganî ma nika seba pawitişê huzur û asayîşê xo bixebite.”

Karalogluyî kîfş kerd ke hemverê sucanê bînan zî mucadeleyê înan dewom kenî .

“Ma do no bajarî hende bivurnê ke herkes do biwazê tîya de bicuwê”

 

Karalogluyî vîr vîst ke bi taybetî hemverê tîryakî de mucadeleyê înan dewom kenî û badê Karalogluyî qalîekrdişê xo wina domna : “Ma qezaya Baxlarî de granî dÎyabi xebata narkotîkî la ma do qezayanê Peyas, Sur û Yenîşehrî de zî xebatanê xo bidomnê.Ma do hemverê tîryakî de mucadeleyê xo bidomnê.”

 Qalîkerdişan ra dima Sekreterê Pêroyî yê Şaredarî Ayhan Kardan derheqê xebatanê şaredarî de muxtaran rê peşkeşêk viraşt.