Walî Karaloglu Pîran de hemwelatîyan reyde ame têhet

Pîran de semedê keyeyanê şehîtan fitar ame serrastkerdiş û Walîyê Dîyarbekirî Munır Karaloglu zî fitar de hemwelatîyan reyde ame têhet.

Walî Karalogluyî da zanayene ke ey sifreyê fitaran qalîkerdiş û safîkerdişê probleman de sey firsendêk vîneno û fitaran de her şewe hemwelatîyan reyde yeno têhet, goşdarîya der û problemê înan keno.

Walîyê Dîyarbekirî Munır Karaloglu, Qeymeqomê Pîranî Kadır Yurdagul, Sekreterê Pêroyî yê Şaredarî Ayhan Kardan, Midurê Pêroyî yê DÎSKÎ Fırat Tutşı,Serekê Ak Partîyê Bjarî Mehmet Şerıf Aydın, Parlementerê Kehen ya Dîyarbekirî Galıp Ensarıoglu, Şaredarê Pîranî Felat Aygoren, Serekê Dayîreyanê Şaredarî, midurê sazgehan tewrê fitarê keyeyanê şehîdan bîyî û Karaloglu uca de hemwelatîyan reyde ame têhet. Karaloglu salona veyveyî de goşdarîya problem û waştîşanê hemwelatîyan kerd.

Karalogluyî tîya de qalîekrdişêk viraşt û bal ont giringîya aşma Remezanî.

Karalogluyî vîr vîst ke Remezan aşma yewî,birayî û parekerdişî ya û bade wina vat : “Aşma Remezanî aşma newebîyayiş û yewbînî helalkerdişî ya aye ra zî ma aşma Remezanî de her şewe hemwelatîyanê xo mîyan de yî. Ma heta ke deste m ara yenî goşdarîya înan kenî û semedê safîkerdişê probleman xebetiyenî.”

Karalogluyî aşkera kerd ke roja ma ya ewroyî de lazimo ma behsê huzurê bajarî xo bikerê. “Semedê asayiş û huzurê ina bajar ma zaf bedel dîya. La en zehmetîyê gran şarê Dîyarbekirî ant la saya hikumate ma û Serekkomar Recep Tayyıp Erdoganî nê rojanê tarî qedîya.Ganî ma nika seba pawitişê huzur û asayîşê xo bixebite.Kesê ke biwazê huzurê şarê ma û bajarê ma biremnê gereke ma pêro pîya vindarnê.”

Karaloglu fitar ra dima Parke Şaredarîye de muxtar û hemwelatîyan reyde mae têhet û semedê safîekrdişê probleman goşdarîya waştîşanê înan kerd.

Badê Akademı Lıse ya ke hetê Şaredarî virazîyayo de wendekaran reyde ame têhet û înan  reyde suhbet kerd.