DÎSKÎ problemê awe ya Goristanê Taxa Tanişik safî keno

Midurîya Pêroyî yê Awe û Îdareyê Kanalîzasyonî ya Şaredarîya Bajarê Girdî ya Dîyarbekirî semedê safîkerdişê problemê awe ya Goristanê Taxa Tanişik dest pê xebatan kerd

Ekîbê Dîskî qezaya Yenîşehrî Goristanê Taxa Tanişik rê semedo ke vaş û çereyan huşk mebo pê tankeran awe kirişîyenê aye ra zî Dîskî semedê safîkerdişê problemê awa şimitişî ya goristane dest pê xebatan kerd.

Midurê Pêroyî ya DÎSKÎ Fırat Tutşı xebatan ca de sehna û derheqê xebatan di agahî girewt.

Tutşî şarê taxa Tanişikî reyde zî ame têhet û goşdarîya problem û waştîşanê înan kerd. Tutşî aşkera kerd ke do demêko nizdî de problemê awe bêra safîkerdiş.