Print this page

Walî Karaloglu pêynîya hewte de xebatan sehna

Walîyê Dîyarbekirî Munır Karaloglu pêynîya hewte de xebatanê ke Şareadrîya Girdî seba bajarêko hîna zergûn domnenê, sehna.

Serekîya Dayîreyê Park, Baxçe û Cayanê Zergûnînan ya Şaredarîya Girdî semedê bajarêko hîna weş û zergûn Bendawa Tirspî de xebata newekerdişî dabi dest pêkerdiş.Çarçiwa xebate de cayê kaykerdişê gedeyî, terasî, rayîrê rayşîyayişî, cayê seyranî bêrê viraştiş û uca de xebata binawanî dewam kena. Walî Munır Karaloglu pê sehanyîşê Cayê Seyranî û Awbenda Tirspî dest pê mesaîyê pêynîya hewte kerd.

Badê Karaloglu cayê awedayişî ya ke hetê Karanê Awe ya Dewlete (DSÎ) newlê  hegayê zîretî ya Awbenda Devegeçîyî bena, sehna û wina vat :” Ma zuwayî ver pê qenalan awe resneno hegayê citkaran û ê ina xizmet ver zaf keyfweşî. Homa ardimê ma bikero û înşallah xebate û keda ma veng ra meşo.

Karalogluyî badê xebatanê “Merkezê Lojîstîkî” sehna. Semedo ke bajarê ma hetê sermayegozarî û bazirganî de aver şêro, Merkezê Lojîstîkî yena awankerdene.

Karaloglu badê Pirdo Şîya yo ke qezaya Yenîşehrî taxa Hantepe de ca gêno wekenit û da zanayene ke hetê Şaredarîya Yenîşehrî rayîrê Roma û dorûverê newale de xebata raştkerdişî bivirazê.

Walî Karaloğlu peynîya teftîşan de xebata asfaltkerdişî ya ke Cadeyê Tekel, Cadeyê Mastfroşî ra heta Cadeyê Seleheddînî Eyûbî dewom kene, sehna û uca de hemwelatîyan reyde ame têhet.