“Baskî Rojhelatî” pê cîya-cîya çalakîyan bêra viraştiş

Bi wayîrîyê Walîtîya Dîyarbekirî û Şaredarîya Bajarê Girdî ya Dîyarbekirî programê “Baskî Rojhelatî” bêra viraştiş.

Bi rêberîyê Wezaretê Kultur û Turîzmî û hemkarîya Walîtîya Dîyarbekirî, Şaredarîya Bajarê Girdî ya Dîyarbekirî û Unîversîteya Dîcle pê tewrê Wezîrê Kultur û Turîzmî Mehmet Nurı Ersoyî programê “Baskî Rojhelatî” bêra viraştiş.

Panelê “Hîre Estareyê Rojhelatî”

Çalakîyan 28ê Nîsane de pê şirikîyê Lijneyê Tirk Tarîx û Unîversîteya Dîcle bi panelê “Hîre Estareyê Rojhelatî” dest pê bikero.

Panel Merkezê Kultur û Kongreyî ya Unîversîtey Dîcle de pê 3 roniştişî bêra viraştiş. Perwerdekaranê pîspor do berhemê Feqîyê Teyran, Ehmedê Cizirî û Ehmedê Xanî ser o pêvînayiş bivirazê.

Pêşangehê “Fêqî ra Tuale”

Pêşangehê “Feqî ra Tuale” ke hetê Hunermend Huseyın Unlu pê tesîrê berhemê Fêqîyê Teyran viraştiş, 30ê Nîsane saetê 15:00 de bêra ramojnayiş.

Merasîmê Protokolê Weşano Şirîk ya Berhemê Kurdî yê Klasîk

Sergî ra dima mabênê Wezaretê Kultur û Turîzmî û Şaredarîya Bajarê Girdî ya Dîyarbekirî reyde semedê çapkerdişê berhemê kurdî protokol bêra viraştiş. Merasîm de serrnameyê çapî bêra aşkerakerdiş û saya protokole de berhemê kurdî bêrê daşinasnayiş.

Dokumentarê “Têhetamayişê Di Çemî”

Bi wayîrîyê Wezaretê Kultur û Turîzmî bi tesîrê cuya Feyê Teyran û Mela Ehmedê Cezerî hetê TRT dokumentarê “Têhetamayişê Di Çemî” ancîya û galayê dokumentarî saet 16:00 de Merkezê Kultur û Kongreyî ya Sezaî Karakoçî de virazîya.

Konserê “Baskî Rojhelatî”

Ramojnayişê belgefîlme ra dima konsere “Baskî Rojhelatî” bêra viraştiş.

Konser de stranî şîîrê Melayê Cizirî “Xelqo li min kin şîretê”, “Dil ji min bir dil ji min”, “Sebahul Xeyrî ya Xanim” ji helbestên Feqiyê Teyran “Zembîlfiroş”, “Ay Dîlberê”, “Yar Tu Yî” bêrê peşkeşkerdiş.Stranan hetê Koroyê Medenîyetî 3u Muzîkê Klasîk ya Dewlete, Gulşen Orhan,Erdal Elaldı, Suleyman Oduncu,Ilayda Alan, Feyruşah Can bêrê vatene.

Program pê fitarê Warê Camîya Qerşunîne de biqedîyo.Şima eşkenê lînkê https://dogununkanatlari.com/  ser o derheqê çalaki de agahî bigîrê.