Panelê “Hîre Estareyê Rojhelatî” virazîya

Bi wayîrîyê Walîtîya Dîyarbekirî û Şareadrîya Bajarê Girdî ya Dîyarbekirî çarçiwa programê “Baskî Rojhelatî” panelê “Hîre Estareyê Rojhelatî” virazîya.

Programê “Baskî Rojhelatî” yo ke bi rêberîyê Wezaretê Kultur û Turîzmî û hemkarîya Walîtîya Dîyarbekirî, Şaredarîya Bajarê Girdî ya Dîyarbekirî û Unîversîteya Dîcle virazîyeno, pê panelê “Hîre Estareyê Rojhelatî” dest pê kerd.

Panel Merkezê Kultur û Kongreyî ya Unîversîtey Dîcle de pê 3 roniştişî virazîya û Panel de Perwerdekaranê pîspor berhemê Feqîyê Teyran, Ehmedê Cizirî û Ehmedê Xanî ser o pêvînayiş viraşt û qalî kerd.

Hetkarê Wezîrê Turîzm û Kulturî Ahmet Mısbah Demırcan panele de qesey girewt û kîfş kerd ke bi rêberîyê Walî Munır Karalogluyî Dîyarbekir de çalakîyanê serkewte virazîyeno .

Demırcanî vîr vist ke Seddê Çînî ra dima sûranê en derg Dîyarbekir de yî û restorasyonê sûran pê hîstenîkî dewom kenî. Demırcan da zanayene ke se ke mîrasanê aşkera pawenê gereke ma mîrasanê bînan zî bipawê û nê çalakîyan pê waştîşê Walîyê Dîyarbekirî Munır Karalogluyî ser os emedê daşinasnayişê nê şexsîyetî pîl virazîyayo û badê wina vat: “Emser Walîyê m ava ke “Kerem Ke “ ma zî va Dîyarbekir de emser wa biba “Serra Feqîyê Teyran” Ez tîya ra TRTyî rê zî spas kena nêzdîyê yew serrî yo ke ina belgefîlmê hadre kenî.”

Qalîkerdişê Demırxanî ra dima Walı munır Karalogluyî zî qese girewt û kîfş kerd ke nê çalakîyan hetê kultur,hüner û tarîxê Dîyarbekirî cayêko girîng der o û bade wina vat : “Ma do hem Tirkî hemz î Kurdî berhemî nê şexsîyetî pîl çap bikerî. Ez tîya ra ked û emeğe înan ver ewilî Wezîrê Kultur û Turîzmî rê bade Hetkarê Wezîrî rê spas kena.”

Panel de Rektorê Unîversîteya DÎcle Prof. Dr. Mehmet Karakoç, Serekê Lijneyê Tarîxê Tirk Bırol Çetın û akademîsyenan zî qalîkerdişêk viraşt.

Sermişawira Serekkomar Gulşen Orhan, Midurê Pêroyî yê Kitabxane û Weşanan ya Wezaretê Kultur û Turîzmî Alı Odabaş û hemwelatîyan beşdar bîyî.

Serrnameyî de bigêre

« Tebaxe 2022 »
Diş Sêş Çrş Pan Yen Şem Yşm
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31