Sergîyê Cezerî raştê eleqeyêko pîl yeno

Şaredarîya Bajarê Girdî ya Dîyarbekirî “Sergîyê El Cezerî” yo ke, çaxê zernê Îslamî de zanyarê Îslamî yo tewr verên o û muhendisê ke tewr verên sîbernetîk ser o xebat kerdo yo, akerdbi û sergi hetê hemwelatîyan raştê eleqeyêko pîl ame.

Cîhazanê ke El Cezerî seserra 13ine de Kitab-ûl Hîyel de xêz kerdbî açarîya makînayan û Birca Bize de sergi di cayê xo girewt.

25 makînayî ke sergi de ca gênê netîceyê xebatanê 15 serrîyin ya Durmuş Çalişkanî yo ke sey El Cezerî eynî malzeme û teknîkan viraşto yena pê.

“Sergîyê Makînayanê El Cezerî” hetê hemwelatîyan raştê leqeyêko pîl yeno.Roja ke sergi ame akerdiş ra nata 350 hezar kesî sergi zîyaret kerd û sergi Roşanê Remezanî de zî 24 hezar kesî kerd mêman.

Sergî de rayberê şaredarî derheqê makînayanê Cezerî ser o agahî dane hemwelatîyan.

Evren Ozılhan da zanayene ke Roşan de mêmananê xo reyde ameyî sergi û saya nê sergîyan de turist yenî bajarê ma.

Ozılhane bade wina vat: “Verê cû sergîyanê winasî rojawan de virazîyêne. La nika bajarê ma de zî virazîyeno Ez heme kedkaranê ina xebate rê spas kena.”

Berfın Ersonmeze zî kîfş kerd ke sergi zaf balkeş o .

Abdullah Kayayî ke Gazîantep ra ameyo û sergîyî zaf ecibnayo.Kayayî qalîkerdişê xo wina domna: “Mi verê cû ina sergi Estanbol de vînabi la ewro ez tîya de zî raşt ameya.”

Sergî semedê gedeyan zaf feydeyin ê

Yagmur Çelebıye ke 12 serrî de ya, da zanayene ke sergi bi taybetî zî semedê gedeyan zaf feydeyîn ê. Çelebıye wina va:”Mi ewro xebitîyayişê makînayanê Cezerî musa.”.

Sergîyê Makînayanê Cezerî hetanî 18ê Gulane akerde yo.

 

 

 

 

 

Serrnameyî de bigêre

« Tebaxe 2022 »
Diş Sêş Çrş Pan Yen Şem Yşm
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31