Şaredarîya Bajarê Girdî ya Dîyarbekirî, semedo ke herkes semedê Dîyarbekirêko hîna pak û weş bixebitê, kampanyaya “En Pak DÎyarbekir” da dest pê kerdiş.
Şaredarîya Girdî semedo ke hîstenîkîyê dormeleyî bizedno û hemwelatîyan teşwîkê peyseragêrayişî û komkerdişê çopan bikero û berpirsîyarîyê hemwelatîyan zî bîyaro înan vîrî daşinasnayişê Kampanyaya “En Pak Dîyarbekir” viraşt.
Kombîyayiş qezaya Peyasî otelêk de virazîya û Sekreterê Pêroyî yê Şaredarîya Bajarê Girdî ya Dîyarbekirî Ayhan Kardan da zanayene ke Dîyarbekir hetê cografya Tirkîya de 10ine û hetê nufusê zî bajarê en gird ya 14ine yo.
Kardanî bal ont ke Dîyarbekir pê her hetî bajarêko gird o aye ra zî rojanê 2 mîlyon û 328 hezar û 784 kîlogram çop vejîno.
“Ma wazeme ke hîstenîkîye dormeleyî bivirazê”
Kardanî ard ziwanê xo ser ke semedê depokerdişê çopî yê wehşî biqedînê projeye EKAYî kewto faaliyet û badê qalîkerdişê xo wina domna : “Ma semedê komkerdiş û peyseragêrayîşê çopî xebatan kenî û ma do xebatanê xo bidomnê. Armancê ma vindarnayişê çopan nîna ma teyna wazeme ke bajarê ma çopan ver qefçil mebo. Aye ra zî ma do hemwelatê xo teşwîk bikerê ke madeyê ke peyseragêrayîşê înan mumkun ê bixebitnê.Ma wazeme ke leymin nêkerdişê bajarî pakîya en weş a û Dîyarbekir çîyanê weşan heq kenî û bêrê ma nîşanê herkesi bide.”
“Gereke çi deste ma ra bêrê ma texsîr mekerî”
Kardan kîfş kerd ke çarçiwa xebate restorasyonê sûran de pakî,restorasyon,weşonayîşê binyatê qeçax û hînî xeylê xebat virazîyayo.Kardanî qalîkerdişê xo wina domna : “Ma xeylê rayîr girewt.Nika herkes restorasyonê sûran nişan danê.Gama ke ma sûran de dest pê xebatan kerd probleme en pîl çopanê mîyanê sûran bî. Yew çopa xo erzeno, yew îzmarît erzeno badê wina dewom keno û herkes erzeno.Her hetê bajarî de qutîyê çopî estê la ma her roje cayanê seyranî, park û baxçeyan de çopan kom kenî.İna wazîyet zî hem beno sebebê bê serûberîye hem zî ma rê beno mesref.Semedê mucadeleyê ina wazîyet zî gereke çi deste ma ra bêrê ma texsîr mekerî û pêro pîya dormeleyê xo pak bigîrê.”
“Ma do pîya serkewê”
Kardanî da zanayene ke qasê tevgerê leyminkerdişî tegerê leymin nêkerdişî zî eşkenê vila bibo.Beso ke ma pîya lebate bikerî û bade qalîkerdişê xo wina qedînay : “Eke lazim bo ma gereke çopê yewbînî bierzê, kesê ke çopî erzeno dorûverî zî îqaz bikerê.İna kampanya teyna bes nîya la no zî sifteyêk o û nîyetêko weş o.Ma heme sazgeh û dezgeyanê sîvîlan dawet kenî ke ma reyde semedê bajarêko hîna pak û weş bixebitê.Semedê ma çîyanê en weş û feydeyin Dîyarbekîrêko hîna pak de ciwîyayiş ê.Ma wazeme ke ina kampanya bibe kampanyaya herkesi û herkes wayîr bivejê. Ma semedê Dîyarbekirêko hîna pak heme peşnîyaz, proje û fikran rê akerde yê. Bi taybetî zî ma ciwan û wendekaranê mektebo verên û mîyanên ra pawenê ke projeyanê serkewte bivejo.Ma hem pê îmakananê şaredarî hem zî pê îmkananê walîtîye kişta înan de yî.Kampanyayê ma xeyrin bo. Bajarê en pak wa Dîyarbekir bo.”
Kombîyayiş de Serekê Dayîreyê Pawitişê Dorûverî ya Şaredarî Necım Şeybanî zî derheqê xebatan di agahî da.
Hemkaran
Kampanyayê ke Şaredarîya Girdî da dest pêkerdiş pê hemkarîya şaredarîyê Sûr,Baxlar,Peyas û Yenîşehrî, Kızılay, TEMA,YEŞÎLAY,Unîversîteya Dîcle,TURSAB,Ajansê Averberdiş û Daşinasnayişê Turîzmî ya Tirkîya, Odeya Bazirganî û Sanayî, Borsayê Bazirganî, Odeya Esnaf û Senetkaran, Cemîyetê Rojnamegeran yê Rojhelatî,Wefqê Kultur û Ardimkerişê Dîyarbekirî, Komela Kultur,Turîzîm û Musîkî dewom bikero.