Hewteyê Astengdaran ame pîrozkerdiş

Şaredarîya Bajarê Girdî ya Dîyarbekirî 10-16ê Gulane Hewteyê Astengdaran pê cîya-cîya çalakîyan pîroz kerd.

Şaredarîya Girdî semedê sosyal bîyayişê astengdaran hetêk ra kursan akeno heto bîn ra zî cîya-cîya aktîvîteyan serrast keno.

Serekîya Dayîreyê Xizmetanê Sosyal ya Şaredarîya Girdî bi wesîleya Hewteyê  Astengdaran Cuya Muştereq ya Sumerparqî de çalakîyan serrast kerd.

Serekê Dayîreyê Xizmetanê Sosyal ya Şaredarîya Girdî Hayrullah Akyıldız, çalaki de Hewteyê Astengdaran pîroz kerd û qalîkerdişêk viraşt.

Akyildiz derheqê heqanê astengdaran yê ke serranê peyênan dîya înan qalîekerd û bade qalîekrdişê xo wina domna: “Ma rojêk yan zî hewteyên nêy ma her roje her saetê kişta astengdaranê xo de yî. Ma emre înan de yî. Ma heme astengdaran rê kursan akenê. Ma semedê astengdaran di heb Banê Mabêyne akerd. Ma uca de zî semedo ke keyeyanê astengdaran kar û gure xo pê rehetî bivirazê xizmet kenî.”

Qalîkerdişê Akyıldızî ra dima berhemê astengdaran yê ke kursan de viraştbi ame pêşkeşkerdiş.

Merasîm rê Midurê Perwerdehîyê Mılî ya Bajarî Murat Kuçukalı,Serekê Komela 6 Nuqte yê Astengdarê Çiman Mehmet Akıf Karataş, temsîlkaranê dezgeyanê sîvîlan, astengdar û keyeyanê înan beşdar bîyî.

 

 

 

 

Serrnameyî de bigêre

« Temmuze 2022 »
Diş Sêş Çrş Pan Yen Şem Yşm
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31