Çalakîyê “Hewteyê Mitbaxê Tirk” dest pê kerd

Wayîrîyê Serekkomarî û destegê Wezaretê Turîzmî çalakîyanê Hewteyê Mitbaxê Tirk yena serrastkerdiş û çalakîyan ewro pê tewrê Walı Alı Ihsan Suyî dest pê kerd.

Rêberîya cinîya Serekkomar Recep Tayyıp Erdoganî Emıne Erdogan Xanime, Hewteyê Mitbaxê Tirk yena pîrozkerdiş û çarçiwa hewteyî de pê hemkarîya Şaredarîya Girdî û Unîversîteya Dîcle qezaya Yenîşehrî de otelêk de virazîya.

 Çalakî de werde cayî yê Dîyarbekirî yenê mojnayîş û Walî Alı Ihsan Su yew bi yew standanê werde de gêrayî û derheqê înan de agahî girewt.

Walî Su da zanayene ke bajarê ma hetê gastronomi de cayêko girîng der o û badê wina va: “Gastronomîyê bajarî ma dergê 12 hezar serrî bena. Ma gastronomi de zaf medenîyetan rê zî wayîrî kenî. Bajarê ma de her medeniyet û kulturî ra rêç esta û aye ra zî ma hetê werdî de zî dewlemend ê.”

 “Mitbaxê Dîyarbekirî de çîyêk îsraf nêbeno”

Walî Su kîfş kerd ke mitbaxê Dîyarbekirî aver şino û badê qalîkerdişê xo wina domna: “Tewirê gastronomiyî ma de lezetê guzin, şerîn,tirş û solin estê la mitbaxê ma de en çîyê taybet îsraf nêkerdiş o. Ma aşmê zimistonî de zuwa kenî, nonê zuwayî ma qelênayenî û kene şîranî. Yane mitbaxê Dîyarbekirî de çîyêk îsraf nêbeno.”

“Ganî ma werdê xo mîyanneweteyî de bide nîşandayîş”

Walî Alı Ihsan Su bal ont giringîya daşinasnayişê werde Dîyarbekirî mabênê newete û mîyanneteweyî de û wina va: “Tikê lezetanê herêmîyanê ma tescîlê nîşanê cografyaye girewto û warê gastronomîyî de Torra Bajarê Afrînerî ya UNESCo de zî ca gêno. Ma gereke nê lezetê herêmî yê ke tescîlê nîşanê cografyaye girewto teber de zî mîyanneteweyî de zî bideme daşinasnayiş.”

“Dîyarbekir wayîrê gastronomi û xozayêko zaf dewlemend o”

“Daşinasnayişê qîymetanê bajarî zaf girîng o eke şima Nêeşkenê bide daşinasnayiş şima sey qutîyêko girotî manenê. Dîayrbekir zî ina babete de şikir ke af dewlemend o hem hetê gastronomîyî de hem hetê xozayî de. Ma wayîrê hemeyê înan ê. Daşinasnayişê lezet û xozayî zaf girîng o.Xebatêka winasî do tesîrê averşîyayişê turîzmî zî  bikero.Televîzyon de se ke şima zî zanenê programê lezetan roj bi roj zedîyeno. Aktîvîteyanê wînasî do desteg bide averşîyayişê gastro turîzmî ya bajarê ma. “

Mamostayê Werdpewjî ya Fakulteya Zanîstê Sosyal yê Unîversîteya Dîcle Cuneyt Ateş da zanayene ke nê çerçeweyî de seba ke 63 lezetê herêmî tescîlê nîşanê cografyaye bigîro muracat ame kerdene û bade wina va : “La nînan ra 34 hebî tescil girewt ma wazeme ke hûmarê lezetê tescîlê nîşanê cografyaye emser bizednê û bikerê 70.”

 

Serrnameyî de bigêre

« Tebaxe 2022 »
Diş Sêş Çrş Pan Yen Şem Yşm
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31