Walî Su gedeyî reyde leyekî ronayî

Walîyê Dîyarbekirî û Serekwekîlê Şaredarîya Girdî Alî Îhsan Su çarçiwa 1-7ê Hezîrane Hewteyê Dormeleyê ya Cîhane de gedeyî reyde leyeke ronayî.

Walî Su, semedo ke gedeyî de arqilîyayîşê dormeleyî bizednê Baxçeyê Şarî yo ke xebatanê ci dewom kena de wendekarê mektebo verên reyde ame têhet.

Walî Su derheqê çalakîyan de agahî za û bal ont giringîya ronayîşê leyekan ser û badê wina vat: “Semedê dormeleyêko hîna weş û pak zergûnî cayêko girîng der o.No hewte ma do pê cîya-cîya çalakîyan Hewteyê Dormeleyî pîroz bikerî.Nê çalakîyan do averşîyayîşê hîstenîkîyê dormeleyî bizednê.Ez hewte û roja dormeleyî yê heme hemwelatîyan pîroz kena.”

Çalakîyê Hewteyê Dormeleyî de do 1200 dar û 300 hezar nebate cîya-cîyayan bêrê ronayîş. Çalakî rê Walîyê Dîyarbekirî Alî Ihsan Su, Qeymeqomê Yenîşehrî Murat Beşıkçı, Midurê Dormeleyê û Bajarvanî Ufuk Nurullah Bılgın û temsîlkaranê dezgeyanê sîvîlan beşdar bîyî.