Kampê Ciwanan hema hema qedîya

 Şaredarîya Bajarê Girdî ya Dîyarbekirî qezaya Pîranî kişta Awbenda Kralkizi de semedê awankerdişê “Kampê Ciwanan ya Selehedîn Eyûbî  xebatanê xo domneno.

Şaredarîya Bajarê Girdî ya Dîyarbekirî semedo ke gedeyî senet, spor û cayanê kultur û ssoyalî rê bîyarê têhet xebatanê xo domneno.

1ê Temuze de mabênê Wezarete Ciwan û Sporî û Şaredarîya Girdî de protokolêk ameybî îmzakerdiş û netîceyê ci de zî semedo ke gedeyî ina mintiqa, tira îstîfade bikero awankerdişê Kampê Ciwanan ya Seleheddîn-î Eyubî dest pêkerdbi. Xebatanê uca se ra 70 qedîya.

Şaredarîya Girdî qezaya Dîcle kişta Awbenda Kralkizi de 180 donim cayê ke verê  cû Lojmanê Karanê Awe ya Dewlete bî çarnena sey Kampê Ciwanan. Proje hetê Serekîya Dayîreyê Park Baxçe û Cayanê Zergunînan ame hadrekerdiş.

Ekîbê şaredarî semedê viraştişê 850 metrekare aşxane, 546 metrekare salona zaf armancî, mescit,tîyatro û atolyeyan xebatanê xo domneno.