DÎSKÎ binê awe de xebata pakîye viraşt

Awbenda Dîcle yo ke çime awa şimitişî ya qezaya Erxenî peyda kena,hetê Ekîbê Midurîya Pêroyî yê Awe û Îdareyê Kanalîzasyonî ya Şaredarîya Bajarê Girdî ya Dîyarbekirî (DÎSKÎ) ame pakkerdiş.

Midurîya Pêroyî yê DÎSKÎ semedo ke hemwelatîyan biresê awa hîna biqalîteyin hetêk ra merkezê bajarî de heto bîn ra qezayon de xebatanê xo domneno.

Ekîbê Dîskî semedo ke wa awa şimitişî biresê her hetê bajarî û probleme awa şimitişî safî bikero pê xebatkaranê pîspor û makînayan xebatanê xo domneno.

Midurîya Pêroyî yê Dîskî xebatkarê ke Midurîya Afat û Wezîyeto lezgîn ya Dîyarbekirî de xebetîyenê, wezîfedar kerd ke Awbenda Dîcle yo ke qezaya Erxenî rê awa şimitişî peyda kena, pak bikerê.

Xebatkaran îstasyonê pompayî ya Awbenda Dîcle de xebata pakÎ û ciewnîyayişî viraşt.

Midurê Pêroyî yê Dîskî Fırat Tutşı xebata pakîya ca de sehna û derheqê xebatan di agahî girewt.Tutşı da zanayene ke fekê îstasyonê pompayî midye,kalker, kirêc û eşteyî ver xetimîyenê.Tutşı kîfş kerd ke xebata pakîye nêzdîyê 3 saet dewam kerdo û netîceyê xebatan di pompayan hîna weş û rehet xebetîyenî.

Tutşı qalîkerdişê xo wina qedînay : “ Ma pê şirikîya ekîbê AFADî Tesîsê Awguznayîşê Awa Şimitişî ya Erxenî de xebata pakîye viraşt û saya xebatan di awa şimitişî ya Erxenî hîna biqalîteyin bî.”

Serrnameyî de bigêre

« Tebaxe 2022 »
Diş Sêş Çrş Pan Yen Şem Yşm
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31