Qijan desteg dayê kampanyaya pakîye

Qijanê ke Şaredarîya Bajarê Girdî ya Dîyarbekirî de wanenê,semedo ke desteg bidî kampanyaya pakîye ya şaredarî Cuya Muştereq ya Sumerparqî de pakî viraştê.

Kampanyaya “En Pak Dîyarbekir” ya Şaredarîya Girdî bê mabên dewam kena.

Serekîya Dayîreyê Pawitişê Dorûverî û KontrolkerdişÎ ya Şaredarîya Girdî û Serekîya Dayîreyê Xizmetanê Sosyal ya Şaredarî semedo ke gedeyî hîstenîkîyê xozayî bizanê û dormeleyî bipawê çarçiwa kampanyaya “En Pak Dîyarbekir” de çalakîyê pakî viraşt.

Qijanê ke emrê înan mabênê 4-6 serrî de yî, kreşanê Şaredarîya Girdî de perwerde gênê, mabênê Cuya Muştereq ya Sumerparqî de pakîye viraşt.

Selahîyetdarê şaredarîn gedeyî rê şewqa, lepik û poşetê çopî vila kerd û gedeyî eşteyê uca ard pêser.

Çopan hetê ekîbê şaredarî kirişîya Îstasyonê Neqlkerdişê Çopan.Pêynîya çalaki de gedeyî 1000 heb devicê keweyî yo ke ardbi Pêser, pawtê ekîbê Serekîya Dayîreyê Pawitişê Dormeleyî kerd.

Çalakî ra dima gedeyî berhemê ke eşteyan ra viraştbi Cuya Muştereq ya Sumerparqî de mojnayî. Wendekar Erva Hatıpoglu da zanayene ke saya nê çalakîyan de hîstenîkîye xozayî musenê.

Serrnameyî de bigêre

« Tebaxe 2022 »
Diş Sêş Çrş Pan Yen Şem Yşm
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31