Kampanyaya 100 henzar aşleyê fistiqan dest pê kerd

Sekreterê Pêroyî yê Şaredarîya Bajarê Girdî ya Dîyarbekirî Abdullah Çıftçı, dewa Bagacik ya Çinarî de tewrê kampanyaya aşleyê daran bîyî.

Şaredarîya Girdî wa semedo ke bajarê ma resnayîşê fistiqe, vame û goze de aver şêrê xebatanê xo domneno.

Serekîya Dayîreyê Xizmetanê Beja ya Şaredarî hedef keno ke serra 2022 de qezayanê Bismil, Çinar, Şankûş, Pîran,Gêl,Erxenî,Hezro,Hênî,PasÛr, Licê,Farqîn,Sur û Yenîşehrî de 100 darî rê henzar aşleyê fistiqan bêra viraştiş.

 Teberê ina projeye de zî qezayon de 12 henzar aşleyê qeleme bêra viraştiş.

Sekreterê Pêroyî yê Şaredarîya Bajarê Girdî ya Dîyarbekirî Abdullah Çıftçı giringîya nê xebatan ser o qalî kerd û da zanayene ke kampanyayî qezaya Çinarî dewa Bagacik de dayo dest pêkerdiş.Çıfçı kîfş kerd ke serra 2021 û 2022 de xebatanê girîng virazîyayo û Çıtçı da zanayene ke şareadrî her wext kişta citkaran de yo.

Çıftçı vîr vîst ke par dormeleyê 50 henzar şitil ameyo vilakerdiş û bade qalîkerdişê xo wina domna: “Ma emser zî 100 henzar şitilê fistiqan vila kenî û ma destegê aşleyî zî dane ke bajarê ma hetê resnayîşê fistiqe,goze û vame de aver şêrê.”

Na mesele seba ma zaf girîng o

Çıftçı aşkera kerd ke emser 100 henzar aşleyê fistiqe bêra viraştiş û badê qalîkerdişê xo wina qedînay: “Ma wazeme ke baajrê ma hetê resnayîşê fistiqe,vame û goze de aver şêro.Warîdatê fistiqe goreyê xele 10 qat zêde yo.Mintiqa ma zî semedê resnayîşî munasib oaye ra ma giringîya xo dane na mesele ser o. Ma do bixebite ke Dîyarbekir Anteb û Rîha ra dima biba sey merekzê fistiqan.”