Dîskî problemê awa şimitişî ya dewa Banîyî Karazî safî keno

Midurîya Pêroyî yê Awe û Îdareyê Kanalîzasyonî ya Şaredarîya Bajarê Girdî ya Dîyarbekirî semedo ke probleme awa şimitişî ya dewa Banîyî Karazî safî bikero dest pê xebatan kerd.

Ekîbê Dîskî semedê safîkerdişê problemê awa şimitişî 2 henzar û 54 metre dergi de xeta terfi awan kerd.

Dewa Banî de 109 keye û 445 hemwelat ciwîyenê.Ekîbê Dîskî çarçiwa xebatan di borîyan ravist û xebatanê mekanik,elektrîk û girêdayîşê aboneyan domnenê.

Midurê Pêroyî yê Dîskî Fırat Tutşı xebatan ca de sehna û da zanayene ke dîskî  hem merkeze bajarî de hem zî qezayon de semedê safîkerdişê probleman her hetê bajarî de  xebetîyeno.

Awa şimitişî awedayîşê baxçeyan de mexebitnê

Tutşî kîfş kerd ke rayîrê xizmetdayîşêke hîna weş û konforin girêdayişê aboneyan ra derbas bena û aye ra zî gereke hemwelatê ma awa şimitişî awedayîşê baxçeyan de mexebitnê.

Tutşı aşkera kerd ke semedo ke qeza û dewan de problemê awe safîbikerê ekîbê Dîskî şewe û roje bê mabên xebetîyenê û Tutşı bade wina vat: “Heme warîdatê Dîskî faturayanê awe yê. Ma xebatanê xo de teyna feyde û konforê hemwelatê xo fikirîyenê. Ma dewa Banî de probleme awa şimitişî safî kerd. La ma zanenê ke tayînê dewan de hîna probleme awe estê aye ra zî gereke hemwelatê ma girêdayîşê aboneyîyan bivirazê ke hem heqê kesî mêwerê hem zî gereke wextê faturayan nêvîyarê.”

Serrnameyî de bigêre

« Temmuze 2022 »
Diş Sêş Çrş Pan Yen Şem Yşm
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31