Şaredarî dest pê hadreyînê Roşanê Qurbanî kerd

Şaredarîya Bajarê Girdî ya Dîyarbekirî semedo ke wa hemwelatîyan Roşanê Qurbanî hîna weş biveynê û çi-mîyê hîna pak bigîrê dest pê hadreyîne roşanî kerd.

Şaredarîya Bajarê Girdî ya Dîyarbekirî semedo ke wa hemwelatîyan Roşanê Qurbanî mabênê huzur û weşî de biveynê û zehmetî nêancê dest pê hadreyînan kerd.Çarçiwa hadreyînê xebatan di beşê Şaredarîya Girdî û qezayon Salona Kombîyayişê Meclîsê Şaredarî di pêvînayiş de ameyê têhet.

Semedê tepiştişê heywanan ekip bêra ronayiş

Serekîya Dayîreyê Karanê Weşî ya Şaredarî çarçiwa hadreyînê roşanî de ekîbê tepiştişê qurbanîyan rona û ekîbê şaredarî do pê ekîban û veteriner cayê serebirnayîşê qurbanîyan de xizmet bidê.

Ekîbê şaredarî do hetêk ra zî cayê serebirnayiş û rotîşê qurbanîyan de xebata dermankerdişî zî bidomno.

Ekîbê Serekîya Dayîreyê Pawitişê Dorûverî û Kontrolkerdişî ya Şaredarî zî do hetanî pêynîya roşanê cayê serebirnayîş û rotîşê qurbanîyan de eşteyî îmha bikerê û konteynirê çopî ronê.

Ekîbê Serekîya Dayîreyê Karanê Weşî ya Şaredarîya Girdî do verê Roşanê Qurbanî hemeyê goristanan de xebata pakîye biivirazê.

Zabitayî do hemverê serebirnayîşê qeçax teftîşê xo bidomnê

Serekîya Dayîreyê Zabita ya Şaredarîya Girdî semedo ke hemwelatîyan prosesê roşanî de zehmetî nêancê hemverê rotîş û serebirnayîşê qeçax teftîşanê xo bidomno.

Ekîbê Zabita semedo ke wa hemwelatîyan erîfê û roja roşanê ya sifte de goristanan hîna rehet ziyaret bikerê hemverê parsgeran teftîşan bikerê.

Cayê serebirnayiş û rotîşê qurbanîyan berê şutiş

Serekîya Dayîreyê Îtfaîya zî do şutîşê cayê serebirnayîş û rotîşê qurbanîyan bişuwê.

Serekîya Dayîreyê Ciewnîyayişê Rayîr û Koordînasyonê Binawanî zî do cayanê aşkera de kêmanîyê binawanî temom bikero.

Ekîbê Midurîya Pêroyî yê Awe û Îdareyê Kanalîzasyonî ya Şaredarî zî do cayê serebirnayîş û rotîşê qurbanîyan de hemverê xetimîyayişê rogaran pê vîdanjor cayanê aşkera de wezîfe bikero û cayê dest şutişî ronê.

 

 

Â