18 dewe de qenalê awedayişî bêrê viraştiş

Şaredarîya Bajarê Girdî ya Dîyarbekirî pê şirikîya Îdareyê Averşîyayişê GAPî ya Mintiqa, 18 dewê qezayanê Çêrmug û Şankuş de qenalê awedayîşî bêrê viraştiş.

Şareadrîya Bajarê Girdî ya Dîyarbekirî semedo ke zîret aver şêro û desteg bido citkaran xebatanê xo bê mabên domenno.

Serekîya Dayîreyê Xizmetanê Bêja û Midurîya projeyan semedê averşîyayişê zîretê dewê qezayanê Çêrmug û şankuşî proje hadre kerd.

Proje hetê Îdareyê Averşîyayişê GAPî tesdîq girewt û saya ina projeyi de 18 dewê qezayanê Çêrmug û Şankûşî de qenalê awedayişî bêrê awankerdiş û bedelê ina proje 18 mîlyon lira yo.

Hemwelatîyan rê xeyrin bo

Protokolê proje hetê Sekreterê Pêroyî ya Şaredarîya Bajarê Girdî ya Dîyarbekirî Abdullah Çıftçı ame îmzakerdiş.

Çıftçı derheqê proje de wina va: “Ma ewro semedê projeyê Awa Awedayişê ya Çêrmug-Şankuşî 12 mîlyon hibe girewt.Ez destegê înan ver Îdareyê GAPî rê spas kena.Hemwelatê ma rê xeyrin bo.”

20 henzar 100 dekar herd bêra awadayiş

Qedîyayişê projeyê qenalê awedayişî 20 henzar û 100 dekar herd û 1636 citkaranê Çêrmug û Şankuşî tira îstîfade bikerê.

 

 

 

 

 

 

Serrnameyî de bigêre

« Tebaxe 2022 »
Diş Sêş Çrş Pan Yen Şem Yşm
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31