Walî Su:” Kar û gure ma xizmetdayîşê şarî yê”

Şaredarîya Bajarê Girdî ya Dîyarbekirî qezaya Sûrî rayîrê dewa Kuçuk Akoren-Ozeklı-Yayıkçukur-Vuralî viraşt û Walîyê Dîyarbekirî Alı Ihsan Su merasîmê akerdişê rayîran de qalî kerd.

Walî Su:”Kar û gurê ma xizmetdayîşê şarî yê.Eke şarê ma ma ra keyfweş bo û razî sey Homa ma ra razî yo.Teyna pê viraştîşê rayîran nêy ma do pê viraştişê, merkezê ciwanan, salona sporan  xizmet bidemê ciwan û cinîyanê xo.”

Walîyê Dîyarbekirî û Serekwekîlê Şaredarîya Bajarê Girdî ya Dîyarbekirî Alı Ihsan Su akerdîşê rayîrê dewa Kuçuk Akoren-Ozeklı-Yayıkçukur-Vuralî viraşt.

Serekîya Dayîreyê Ciewnîyayiş, Viraştiş û Koordînasyonê Şareadrî çarçiwa sezonê asfalto germin ya serra 2022 de rayîrê dewa Kuçuk Akoren-Ozeklı-Yayıkçukur-Vuralî yê ke 10 metre dergi û 6 metre hîreyî de yî qedînay.

Walî Su, merasîmê akerdişê rayîran de qalî ekrd û da zanayene ke her hetê Dîyarbekirî de pê destanê Walîtîya Dîyarbekirî, YÎKOB û Şaredarîya Girdî xebatan û projeyan virazîyeno.

Walı Su kîfş kerd ke goreyê waştîşanê şarî xizmet dîyeno û bade wina va:”Serawanî ra bigîrê hetanî binawanî her het de xebatan virazîyayo labele hîna zî kêmanîyê ma estê.Ma semedê qedînayîşê kêmanîyan lebate kenî.”

“Ma hedef kenî ke 2 hezar û 400 kîlometre asfalt bivirazê”

Walî Su derheqê xebatanê viraştişê rayîrî de wina va: “Ma do sezonê asfalto germin ya serra 2022-2023 de 800 kîlometre qatê dîyin ya asfalton germin pêroyî de 2 henzar û 400 kîlometre asfalto germin bivirazê.”

“Cayê hemwelatê ma çimanê ma ser de yî”

Walî Su bal ont giringîya xîzmetkerdişê şarî û bade qalîkerdişê xo wina domna:”Ez heme embaz,beşe miduran,personel û memuran rê vana wezîfeyê ma xizmetkerdîŞê şarî yê.Serekkomarê ma semedê xizmetdayîşê şarî ardo tîya.Wezîfeyê her midur û selahîyetdarî xizmetdayîşê şarî yê.Eke şima şînê lijneyan û uca de kêmanîyan bivînê yan zî muameleyêko nêweş bivînê teqez xeberê bidên ma.Cayê hemwelatê ma çimanê ma ser de yî. “

Walî Su da zanayene ke ê lebate kenî ke her het de xizmetanê en weş bidên şarî:”Kar û gurê ma xizmetdayîşê şarî yê. Ma bawer kenî ke şarî rê xizmet Homayî rê xizmet o. Eke şarê ma ma ra keyfweş bo û razî sey Homa ma ra razî yo.Teyna pê viraştîşê rayîran nêy ma do pê viraştişê, merkezê ciwanan, salona sporan  xizmet bidemê ciwan û cinîyanê xo.”

Dewa Ozeklıyî rê mijdanê seferê otobusan dîya

Walî Su da zanayene ke mabênê Dîyarbekir-Dewa Ozeklı de xizmetê wesayîtê komresî ya şaredarî do dest pê bikero.

5 hezar hemwelatî do tira îstîfade bikerê

Sekreterê Pêroyî yê Şaredarîya Bajarê Girdî ya Dîyarbekirî Abdullah Çıftçı da zanayene ke problemê dewa Ozeklı ameyo safîkerdiş û pêroyî de 5 henzar hemwelatî tira îstîfade bikerê.

Çıftçı da zanayene ke her hetê Dîyarbekirî, girîng o û bade qalîkerdişê xo wina domna:” Hemwelatê ma her çîyê weş heq kenî,Ez wazena ke ina rayîr hem dewa Ozeklı rê hem zî dewa Kuçukakorenî rê xeyrin bo.”

Akerdîşê rayîrî ra dima Walî Su, taxa Ozeklı de hemwelatîyan reyde çay şimit û suhbet kerd.

Merasîm rê endamê MKYK yê programê Ak Partî Suna Kepolu Ataman û Alaattîn parlak , Abdurrahman Kurt, Şaredarê Hênî Ibrahım Lale û Şaredarê Baxlarî Huseyın Beyoglu beşdar bîyî.

Serrnameyî de bigêre

« Tebaxe 2022 »
Diş Sêş Çrş Pan Yen Şem Yşm
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31