OSB de tetbîqatê şewat û erdlerzî

Serekîya Dayîreyê Îtfaîya yê Şaredarîya Bajarê Girdî ya Dîyarbekirî û Midurîya Afat û Wezîyeto lezgîn ya Dîyarbekirî(AFAD) xebatkaranê Herêma Sanayî û Organîzeyî rê ewilî perwerde dayê bade tetbîqatê şewat û erdlerzî viraşt.

Waştîşanê kargehanê Herêma Sanayî û Organîzeyî (OSB) ser o Serekîya Dayîreyê ÎtfaÎya yê Şaredarî xebatkaranê înan rê perwerdeyê teorik û pratîkî yê şewat û erdlerzî da.

Şirikîya Serekîya Dayîreyê Îtfayî û AFADî etabo Hîreyin ya OSB de xebatkaran rê perwerde dîya bade tetbîqat virazîya.

Perwerdeyî de sebebê teqayîş û şewatan, şewat çir a qemîyeno ame îzehkerdiş.

Selahîyetdaranê AFADî zî derheqê mudaxelekerdişê erdlerz û afatan di zanayîş dayê xebatkaran û

Serekê Rêveberîyê Optîksanî Bulent Yazicioglu da zanayene ke nê perwerdeyan mudaxalekerdişê afatan di cayêko girîng der o.

Yazicioglu bade wina va:” Se ke şima zî zanenê tîya de şewat qewîMîyo aye ra ma waşt wa xebatkaranê ma derheqê mudaxalekerdişê afatan di hayîdar bê.Ewro ma pê şirikîya Serekîya Dayîreyê Zabita û AFADî perwerde girewt. Ma hem ekîbê Îtfaîya hem zî ekîbê Afadî rê spas kenî.”