Print this page

Gedeyî Banê Zanayîşî de resenê xeyalanê xo

561 wendekarê ke binê banê Serekîya Dayîreyê Xizmetanê Ciwan û Sporî ya Şareadrî de perwerde girêwtenê Îmtîhanê Vîyartîşê Lîseyan(LGS) de resayî xeyalanê xo.

Banê Zanayîşî yê Merkez,Selahadînî Eyûbî,Bismil Prof.Dr.Azız Sancar û Heni Gurbuz, Serekîya DayÎreyê Xizmetanê Spor û Ciwanî ya Şaredarîya Bajarê Girdî ya Dîyarbekirî xebate kenê.Wendekaranê ke perwerdeyê nê merkezan ra îstîfade kerdbi înan ra 20 hebî lîseya fenî, 430 hebî lîseya anadulîyî,85 hebî lîseya mesleg û teknîkî,25 hebî lîseya îmam xatibî, ,5 ehbî lîseyanê zanîstê sosyalî,3 hebî lîseya zaf programin û yewî zî lîseya weşî qezenç kerd.

Kişta perwerdeyan de falîyetanê sosyal virazîyeno

Mahmut Anil Ako ke Lîseya Fenî yê Peyasî qezenç kerdo da zanayene ke sinifa 5ine ra nata Banê Zanayîşî de waneno û saya ina merkez de zÎ resayo xeyalê xo.

Akî kîfş kerd ke perwerdekaranê tîya wendekaran reyde zaf eleqeder benê kişta perwerdeyan de falîyetanê sosyal zî virazîyeno.

Akî da zanayene ke prosesê lîseyî de zî wazeno ke Akademî Lîseyanê Şaredarî ra îstîfade bikero û tip biwano.

Bawê Akî zî wina va:” Ma sinifa 5ine de qeydê ê Banê Zanayîşî de viraşt û ma hem perwerdeyê înan vînayî û ma herkesî rê tawsîye kenî.Ez bi serkewtîşê gedeyê xo îftîxar kena û mamostayanê ê rê zî spas kena”.

“Semedê xebatan cayêko zaf munasîb o”

Wendekar Derya Çetınkayaye ke 13 serrî de ya û Lîseya Fenî yê Peyasî qezenç kerdo, kîfş kerd ke encamê îmtîhanî ver zaf keyfweş a û badê qalîkerdişê xo wina domna:” Banê Zanayîşî semedê xebatanê ma cayêko zaf munasîb o.Ma tîya de kişta perwerdeyan de tewrê çalakîyanê sosyal zî bîyî.”

Maya Deryaye Zeynep Çetınkayaye zî kîfş kerd ke serkewtîşê kênaya xo de parê Banê Zanayîşî zaf o û keyfweşîyê xo ard ziwanê xo ser.

“Xebatanê mi veng ra nêşî”

Nîsa Koseye ke 14 serrî de ya û Lîseya Anadolî yê Nevzat Ayazî ezenç kerda keyfweşîyê xo ard ziwanê xo ser û wina va: ” Ez sinifa 5ine ra nata yena Banê Zanayîşî. Perwerdekaranê ma ma ra zaf eleqeder û desteg bîyî û xebatanê ma veng ra nêşî.”

Koseye kîfş kerd ke semedê merheleyê hadreyînê unîversîte zî Akademî Lîseya Şaredarî rê muracat kerda.”

Keyeyanê Koseye kîfş kerd ke encamê kênayanê xo ver keyfweşî û mamostayanê Banê Zanayîşî rê spas kerdê.