Gedeyî do hamnanî hîna weş biveynê

Şaredarîya Bajarê Girdî ya Dîyarbekirî semedo ke ciwanan tehtîlê hamnanî hîna weş biveynê, 16 cîya-cîya branşan di kursê senet û hunerî akerdbi û Pêroyî de 1234 ciwanî tira feyde kenî.

Kursanê ke hetê Serekîya Dayîreyê Karanê Kultur û Sosyalî ameybi akerdiş bê mabên dewam kena.

Hetê perwerdekaranê pîspor,Merkezê Kultur û Kongreyî ya Sezaî Karakoçî de kursanê tembûr , kursê kemane , perwerdeyê venge , kursê gitar govend, keman, yan flüt, erbane ,resîm, klarnet, erbane, wênekeşî piyano, kemençe,resîm gede û ney dîyeno.

“Ez îmkananê tîya ra îstÎfade kena”

Kursîyer Kadır Ezen da zanayene ke perwerdeyê unîversîteyî ver mabên dayebi kursê resîmî û newera tawsîyeyê mamostaye xo ser ameyo tîya û muracatê kursê Şaredarîya Girdî kerdo.

Ezenî kîfş kerd ke pê îmkananê kurse aver şino û bade wina va:”Ez hewteyêko yena tîya û xezê modelan de zaf aver şîya.Mamostayanê ma zî zaf eleqeder bênê.Ez tîya de hem perwerdeyê teorîkî hem zî pratîkî gêna.”

“Îmkananê tîya keye de çina”

Kursîyer Mısra Aydine da zanayene ke semedo ke wa wextê xo weş biveyne dest pê xêzkerdişê resîman kerdo la nika wazena ke ina ware de biba wayîrê meslege.Aydine qalîkerdişê xo wina domna:”Ez lîse ra mezûn bîya û semedo ke demê tol de hadreyê xo bîyara mi dest pê kursê resîmî kerd, la ez nika wazena ke ina ware de biba wayîre karî.Kursan bê pere yê aye ra zî ma eşkenê bi rehetî tira îstîfade bikerê.Mamostayanê ma zî desteg danê ma û ma tîya de eşkenê pê rehetî model bivînê yane îmkananê tîya keye de çina.

“Ez saya ina kurse de zaf aver şîya”

Kursîyer Pelın Biçakçi kîfş kerd ke a wazena ke çinitişê gîtarî bimusa û derheqê kurse gîtarî de wina va:” Mi 4 aşmî yo ke dest pê ina kurse kerda.Ez zaf hes kena ke deyran û stranan vaja.Ma hem perwerde hem zî mamostayanê x ora zaf keyfweş î.Ez verê cû şîyêne kursê taybet zî la tîya hîna weş a.”

“Ez Tîya de seba kar û gure hadreyîne xo kena”

Zılna Kızılkan da zanayene ke semedo ke wa mesleğe xo de aver şêra ameya kursê şaredarî ra îstîfade kena.Ez tîya de seba konservaturaê hadreyîne xo kena û badê qalîkerdişê xo wina domna:”Nê kursan semedê ma teyna enstruman nîya ma mesleg musenê.Zebatanê ma zî weş şina ma zaf keyfweş î.Zafêre mtîhananê ma de veng esto aye ra zî ma xebatanê xo de giranî danê perwerdeyê venge.Kursanê taybet vaya aye ra zî kursê şaredarî semedê ma cayêko girîng der o”.

Serrnameyî de bigêre

« Tebaxe 2022 »
Diş Sêş Çrş Pan Yen Şem Yşm
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31