DÎSKÎ qezaya Licê de goşdarîya muxtaran kerd

Midurîya Pêroyî yê Awe û Îdareyê Kanalîzasyonî ya Şaredarîya Bajarê Girdî ya Dîyarbekirî(DÎSKÎ) qezaya Licê de goşdarîya problem û waştîşanê hemwelatîyan kerd.

DÎSKÎ semedo ke hem merkezê Dîyarbekirî de hem zî qezayon de probleme binawanî û awa şimitişî safî bikero, derheqê probleme taxan de muxtaran reyde pêvînayiş virazeno.

Muxtaranê ke qezaya Licê de wezîfe kenî waştîş û probleme taxanê xo resayî Midurê Pêroyî yê Dîskî Firat Tutşı.

Tutşı derheqê projeyanê Dîskî de agahî da beşdaran û wina va:”Wezîfeyê ma yê sifte uyo ke hemwelatê ma biresê awa hîna pak û weş û awa eşte û şiliyê goreyê qeydeyan û çarçiwa pawitişê xozayî bertarafkerdiş o.Ma şewe û roje heme xebatkaranê xo reyde xebetîyenî û ma do xebatanê xo bidomnê.”

Proje goreyê serra 2050 virazîya

Tutşı kîfş kerd ke goreyê nifus û îmarê qezaya Licê serra 2050 girîyayo û proje virazîyayo.Tutşı da zanayene ke xebatan de semedo ke serawanî zerar mêvînê pê histenîkî xebatan virazîyeno.

Kombîyayiş rê Midurê Pêroyî yê Dîskî Firat Tutşı, Qeymeqomê Licê Muhammed Evlıce,Serekê Dayîreyê Averberdişê Bêjayî Nıhat Nurbakı, midurê sazgehan û muxtaran beşdar bîyî.