“Festîvalê Zebeşa Dîyarbekirî” bi coş virazîya

Walîtîya Dîyarbekirî û Şaredarîya Bajarê Girdî ya Dîyarbekirî pê şirikî semedê daşinasnayişê zebeşe û kulturê Dîyarbekirî,Meydana Şêx Seîdî de “Festîvalê Zebeşa Dîyarbekirî ya 12ine” virazîya.

Festîvale, pê korteje deweyanê ke zebeş bar kerde, taximê bando,grubê erbane û govendî Birca Bize ra hetanî Meydana Şêx Seîdî pê rayraşîyayişî dest pêkerd.

Kortejê rayraşîyayişî rê Walîyê Dîyarbekirî û Serekwekîlê Şaredarîya Girdî Alî Ihsan Su,Parlementeranê AK Partî Oya Eronat,Mehmet Mehdı Eker û Ebubekır Bal, Midurê Asayîşê Dîyarbekirî Fatıh Kaya, Sekreterê Pêroyî yê Şaredarîya Girdî Abdullah Çıftçı,Qeymeqom û Serekwekîlê Şaredarîya Yenîşehrî Murat Beşıkçı, Şaredarê Baxlarî Huseyın Beyoglu, Rektorê Unîversîteya Dîcle Prof,Dr.Mehmet Karakoç, midurê sazgehan û hemwelatîyan beşdar bîyî.

Meydanê Şêx Seîdî de pê resayişê korteji Walî Su û kesê ke tedir bî, standê berhemê kursîyeranê DÎSMEKî ziyaret kerd.

Festîval de gedeyî musabaqaya giloverkerdişê zebeşan û werdişê zebeşan de mirda xo keyf kerd.

Heto bîn ra hemwelatîyan eleqeyêko weş nîşanê zebeşê Dîyarbekirî yo ke bi şeklo cîya-cîya ameybi neqişkerdiş, daye.

Zebeşa en girane emser 51 kîlo bî

Ikram Atlıye ke zebeşa aye 51 kilogram û 400 gram bî xelata yewine, Adil Aydino ke zebaşa ey 48 kilogram û 900 gram bî xelata diyîne û Mehmet Atliyo ke zebeşa ey 47 kilo û 600 gram bî xelata hîrêyîne girewt.

Gede û hemwelatê ke musabaqayan de serkewt rê cîya-cîya dîyarîyan ame vilakerdiş.

Festîval de hunermend Ferat Üngür û Manuş Baba hemwelatîyan rê konser dayê.

“Ma nêzdîyê 30 henzar dekar de zebeşe resnenê”

Walî Su festîval de qalîkerdişêk viraşt û da zanayene ke DÎyarbekir pê werd, cayanê tarîxî û kulturê xo bajarêko zaf dewlemend a.Walî Su vîr vîst ke zebeşe mehsulê Dîyarbekirî yê testîq kerde ya û bade wina va:”Ma zebeşa Dîyarbekirî daşinasnenê.Zebeşe zî ma daşinasnena.”

Walî Su kîfş kerd ke hetê Midurîya Zîret û Daristanî desteg dîyena citkaran û bade qalîkerdişê xo wina domna:”Dîyarbekir de nêzdîye 30 henzar dekar herd ser o zebeşe ronîya yo.Ma semedo ke wa Zebeşa DÎyarbekirî biresê ajê bînan hem xebatanê xo domnenê hem zî citkaran rê destegê ma dewam kenî.”

Walî Su aşkera kerd ke citkaran rê hem destege şitil, hem zî zibil û dermanan dîyena.

Walî Su vîr vîst ke mabênê 8-16ê Teşrîne de hetê Wezaretê Kultur û Turîzmî “Festîvalê Rayîrê Kulturî” bêra viraştiş û wina va:”Ma do no festîval de zî kişta şima de bî.Hemwelatê ma do pê tîyatro,konser,programê dînî û suhbetan mirda xo keyf bikerê.”

 

 

 

 

Serrnameyî de bigêre

« Kanûne 2022 »
Diş Sêş Çrş Pan Yen Şem Yşm
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31