Şaredarî Şayîya Zanistê Mezopotamyayî de stand rona

Şaredarîya Bajarê Girdî ya Dîyarbekirî semedo ke wa ciwanî warê robotik,xoza û astronomî de aver şerê, Şayîya Zanistê Mezopotamyayî ya TUBÎTAKî de stand akerd.

TUBÎTAK pê destegê Şaredarîya Girdî û Midurîya Perwerdeyîya Dîyarbekirî, Cuya Muştereq ya Sumerparkî de Şayîya Zanistê Mezopotamyayî da dest pêkerdiş.

Wendekaranê Banê Zanayişî yê Şaredarî yê ke berhemê atolyeya kodkerdişê robotîk de viraştbi, standê şaredarî de peşkeş kenî.

“Standê Şaredarî raştê eleqeyêko hewl yeno”

Perwerdekarê Atolyeya Kodkerdişê Robotîk Bayram Guler,ca girewştişê şayî ver keyfweşîyê xo ard ziwanê xo ser û da zanayene ke hemwelatîyan eleqeyêko hewl nîşanê standê şaredarî dayenê.