Hadrekarîya “Festîvalê Rayîrê Kulturî ya Sûrî” dewam kena

Hetê Wezaretê Kultur û Turîzmî mabene 8 û 16ê Teşrîne de “Festîvalê Rayîrê Kuturî ya Sûrî” bêra viraştiş û seba ci qezaya Sûrî de kombîyayişê daşinasnayişê festîvale virazîya.

Kımbîyayişê dazanayişî rê Hetkarê Wezîrê Kultur û Turîzmî Ahmet Mîsbah Demırcan, Walî û Serekwekîlê Şaredarîya Bajarê Girdî ya Dîyarbekirî Alî Ihsan Su,Parlementeranê AK Partî Oya Eronat û Ebubekır Bal,Rektorê Unîversîteya dîcle Prof. Dr. Mehmet Karakoç û şirikê festîvalê beşdar bîyî.

Wezaretê Kultur û Turîzmî pê şirikîya Walîtîya Dîyarbekirî û Şaredarîya Girdî mabene tarîxanê 8-16ê Teşrîne de “Festîvalê Rayîrê Kuturî ya Sûrî” bêra viraştiş û seba ci zî kişta Camîya Hz.Suleymanî de kombîyayişê dazanayişî virazîya.

Hetkarê Wezîrê Kultur û Turîzmî Ahmet Mîsbah Demırcan, rojnamegeran rê da zanayene ke emser reya sifte ina festîval do Dîyarbekir de bêra viraştiş.

Demırca kîfş kerd ke Dîyarbekir bajarê shabe,qral û pêxamberan o û semedê daşinasnayişê rindîyê bajarê ma raygehê festîvale rê cayanê tarîx û kulturî ameyê îlawekerdiş û hemwelatîyan do çalak3ıyanê taybet û konseran de mirda xo keyf bikerê.

Demırcanî bade wina va:”Ma teberê Dîyarbekirî de nêeşkenê tarîxê medeniyet,îtîqat û gastronomîyî binusê.Medenîyetî nê herreyan de ameyî xo ser û kewto ra rayê.20 serrî yo pêyen de pê destegê dewlete 67 proje û 149 projeyê restorasyonî virazîyayo û nînan ra 8 hebî ameyê qedînayiş û nînan rê nêzdîyê 1 katrîlyon mesref şîyî.Pawitişê mîrasanê ma berpirsîyarîyê ma yê.”

Demırcan derheqê festîvale de agahî daye û wina va:”Festîvale do 9 rojî dewam bikero de 600 ra zêdetir çalakî, 2 henzar û 150 hunermend ca gêno.Camîya Hz.Suleymanî ra hetanî Dêra Saint George, Banê Dengbêjî ra hetan3ı Muzeyê Kervansarayî û Muzeya Ahmed Arîfî her warê Dîyarbekirî de cîya-cîya çalakî û aktîvîteyan bêrê viraştiş.Balonane Kapadokyayî zî do Dîyarbekir de bifirre.”

Walî Alî Ihsan Su zî qalîekrdişê xo de da zanayene ke semedê daşiansnayişê Dîyarbekirî ina festîval cayêko girîng der o.Walî festîval ver keyfweşîyê xo ard ziwanê xo ser û bi nameye heme Dîyarbekirijan Wezaretê Kultur û Turîzmî rê spas kerd.

Walî Su qalîkerdişê xo wina domna: “İna festîval hem semedê daşinasnayişê tarîx û kulturê ma hem zî semedê kesê ke teber ra yenê zag girîng o.Festîval de nêzdîyê 600 çalakî estê û çarçeweya festîvale de 20 henzar hunermendî yenê bajarê ma.”

Walî Su kîfş kerd ke festîval de çalakîyê şîîr,sînema û tîyatro ra bigîrê xoşeber û konseran cîya-cîya çalakîyan estê.Walî Su ewilî Serekkomar recep tayyıp Erdoganî rê bade heme kedkaranê festîvale rê spas kerd.