Astengdaran rê terapîyê pê astorî

Şaredarîya Bajarê Girdî ya Dîyarbekirî semedê gedeyanê astengdar xizmetê terapîyê pê astorî newera da dest pêkerdiş.

Şaredarîya Girdî pê şirikîya Klûbê Jokeyî ya Tirkîya(TJK) semedo ke wa gedeyanê astengdar hetê fîzîkî û zihnî aver şêrê Hîpodromê DÎyarbekirÎ de 2 serrî ra dima xizmetê terapîyê pê astorî newera dîya dest pêkerdiş.

Banê Mabeyne û Merkezanê Cuya Aktîf, Midurîya Extîyar û Astengdaran ya Serekîya Dayîreyê Xizmetanê Sosyal ya Şaredarîya Girdî ser o xebate kenê û gedeyanê ke qeydê înan tîya de estê û emrê înan 4-12 serrî de yî eşkenê ina xizmet ra îstÎfade bikerê.

Çarçiwa xebate de gedeyî pê servîsanê şaredarî berdîya hîpodrome û gedeyî wenişt astoran mirda xo keyf kerd.

Selahîyetdaranê TJK derheqê weniştiş û waramayişê dayê agahî da gedeyan.