Şaredarî Fuaro Gurme û Lezetê Herêmî ya Mezopotamya de cayê xo girewt

Emser reya çorine yo ke Fuaro Gurme û Lezetê Herêmî ya Mezopotamya yena serrastkerdiş û Şaredarîya Bajarê Girdî ya Dîyarbekirî semedê daşinasnayîşê Dîyarbekirî fuar de cayê xo girewt.

Şaredarîya Girdî semedê temsîlê birc û sûranê Dîyarbekirî fuar de stand akerd û standê şaredarî hetê hemwelatîyan raştê eleqeyêko hewl ame.

Stand de hemwelatîyan rê hem lezetê herêmî ameyê îqramkerdiş hem zî broşür û hacetê daşinasnayîşê şaristanî ameyê dîyarîkerdiş.

Desteg dana daşinasnayîşê Dîyarbekirî

Serekê Dayîreyê Esnaf û Karanê Senetkaran Ahmet Sagdıç, da zanayene ke fuar dest dana daşinasnayişê şaristanê ma û kîfş kerd ke 55 bajar ra 157 fîrma tewrê fuarî bîyî.Badê Sagdıçî wina va:”Ma ewro fuarî rê keyeyî kenê û aye ra ma zaf keyfweşî.Seke şima zî vînenê tîya de lezetê tescîlê nîşanê cografyaye estê û ma nê 49 werde tîya de îqramê hemwelatê xo kenî.Ez wazena ke fuar bajarê ma rê xeyr bîyaro.”

“Ma Dîyarbekirî ra hes kenî û ma eleqeyî ra zî zaf keyfweş î”

Ferdı Dıllı yo ke fuar de stand akerdo da zanayene ke verê cû zî ameyo Dîyarbekir û qezaya Beşırlı ya Trabzonî ra ameyo.Dıllı wina va:”Ma Dîyarbekirî ra hes kenî û ma eleqeyê înan ver zaf keyfweş î.Ma heme kedweranê fuarî rê spas kenî.”

“Dîyarbekir bajarêko zaf mêmanhes o”

Puren Dıde zî mêmanê rumetî ya Hetayî ra ameya û da zanayene ke nêzdîyê 5 serrî yo ke tewrê fuarî bena û badê wina va:”Hemwelatê Dîyarbekirî zaf mêmanhes ê.”

“Fuar raştê eleqeyêko hewl yena”

Fatma Avciye zî keyfweşîyê xo ard ziwanê xo ser û wina vat:”Fuar zaf hol şina Zaf qerebalix esta.Ez bawera ke ina fuar desteg bido averşîyayişê Dîyarbekirî.Ez herkesî dawetê fuarî kena.Bêrê tîya bivînê.Ez heme kedkarê fuarî rêspas kena.”

Leyla Kurt zî eleqeyê hemwelatîyan ver keyfweşîyê xo ard ziwanê xo ser.