Walî Su qezaya Peyasî de muxtaran reyde ame têhet

Walîyê Dîyarbekirî Alî Ihsan Su qezaya Peyasî de muxtaran reyde kombîyayîş viraşt û goşdarîya problem û waştîşanê înan kerd.

Kombîyayiş Salona Konferanse ya Şaredarîya Peyasî de virazîya.Kombîyayiş pê tewrê Walî û Serekwekîlê Şaredarîya Bajarê Girdî ya Dîyarbekirî Alî Ihsan Su,Sekreterê Pêroyî yê Şaredarîya Girdî Abdullah Çıftçı,Qeymeqom û Serekwekîlê Şaredarîya Yenîşehrî Arîf Karaman,serekê dayîreyanê şaredarî,midurê sazgehan û  muxtaranê ke qezaya Peyasî de wezîfe kenî,virazîya.

Walî Su kombîyayiş de goşdarîya waştîşanê muxtaran kerd û da zanayene ke pêşnîyarê muxtaran semedê înan girîng ê.Walî Su kîfş kerd ke semedê xizmetdayîşê şarî heme sazgehan şewe û roje xebetîyenî û wezîfeyê xo de yî.

Walî Su aşkera kerd ke kombîyayişê têhetameyişî do her qeza de dewom bikero.

Walî Su da zanayene ke semedê averberdîşê projeyan têhetamayîşê muxtaran girîng o û Walî Su qalîkerdişê xo wina qedîna:”Ma do muxtaranê xo reyde seba bajarê xo xizmetanê xo bidomnê.”