Îstasyonê Neqlkerdişê Eşteyê Huşkî ya Erxenî temam bena

Şaredarîya Bajarê Girdî ya Dîyarbekirî semedo ke problemê çopî ya Dîyarbekirî safî bikero dest pê projeya Îdareyê Eşteyê Huşk ya Entegre(EKAY) kerdbi û netîceyê ci de qezaya Erxenî û Farqîn de îstasyonê neqlê eşteyê huş yenê awankerdiş û xebatan hema hema qedîya.

Serekîya Dayîreyê Pawitişê Dorûverî û Kontrolkerdişî ya Şaredarîya Bajarê Girdî ya Dîyarbekirî semedo ke problemê eşteyê huşk ya ponces serrîyan safî bikero projeya EKAYî (Îdareyê Eşteyê Huşk ya Entegre) hadrekerdbi.Etabo dîyin ya projeya EKAYî de îstasyonê neqlkerdişê çopî awan keno.

Xebata îstasyonê neqlkerdişî ya qezaya Erxenî û Farqînî de xebatan hema hema qedîya.

Serekîya Dayîreyê Pawitişê Dorûverî û Kontrolkerdişî ya Şaredarî semedê awankerdişê îstasyonê neqlkerdişê çopî ya Bismilî de zî xebatanê xo domneno.

Heme qezayan de probleme çopî safî bena

Çarçeweya xebata rehabîlîtekerdişî verê têmîyanbîyayişê awa çopî û awa pakî yena girewtiş.

 Eşteyê huşkî yê qezayê bînan zî neqlê nê hîre qezayan bibê û bêrê îmxakerdiş.Çarçeweya qedîyayişê îstasyonan eşteyan 24 saet neqlê tesîsê EKAYî yo ke Qerejdaxî de ca gêna, bibê û yena hedefkerdiş ke gazo metan jêd bibo.