Print this page

Ekîbê Îtfaîya serra 2022 de zî mal û halê hemwelatê ma xelisnayî

Serekîya Dayîreyê Îtfaîya yê Şaredarîya Bajarê Girdî ya Dîyarbekirî serra 2022 de 6 henzar û 740 şewatî hewna kerd û xebata xelinsnayişî viraşt.

Ekîbê Îtfaîya erdlerz,şewat,laser û serebûtê ûsn. de wezîfeyê zaf girdîng û xidar anê ca.Ekîbê Îtfaîya ya Şaredarî emser zÎ seba mal û halê hemwelatê ma xebetîya.

Ekîbê îtfaîya semedo ke wazîfeyê xo bê nuqsan bikerê perwerdeyî girewt û her saet û ca de hasreyê wezîfeyî bî.

Ekîbê îtfaîya her îxbar de pê ferasetêko berpirsîyar seba ke leze biresê cayê şewatî xebetîya.

4 henzar û 282 şewatî rê mudaxale

Îtfaîya yê Dîyarbekirî sey serranê binî serra 2022 de zî şewe û roje wezîfeyê xo ser de bî û semedê xelisnayîşê mal û halê hemwelatîyan xebetîya.

Ekîbê îtfaîya serra 2022 de şewatanê keye,fabrîqe,kargeh,daristanFdaristan, baçe u cayê sey nînan pêroyî de 4 henzar û 282 şewatî rê mudaxale kerd.

2 henzar û 458 xeba xelisnayişî û geyrayişî

Ekîbê îtfaîya gegane gedeyî ke keye de mexsûr mendbi xelisnayî gegane zî destê xo yê zerrîveşn dergê heywanankerd.

Şewatkarî qezayê trafîkî ra bigîrê hetanî laserî 2 henzar û 458 serebûtî rê mudaxale kerd.

71 şaredarî rê perwerde dîya

Şaredarîya Girdî bi şirikîya Yewîya Şaredarîyanê Başûrê Rojhelatî(GABB)perwedeyê îtfaîya da şewatkarî ke şaredarîyî Semsûr,Agirî,Bidlîs,Xarpêt,Colemerg,Merdîn,Mûş,Sêrt,Şirnax û Dersimî de xebetîyenî.

Perwerdeyî de ekîbê îtfaîya tecrubeyî xo ser û caardişê îtfaîya û perwerdeyê koordînasyonî de perwerde girewt.

13 henzar û 240 hemwelatî rê pewrerdeyê şewa û tetbîqatê dîya

Serekîya Dayîreyê Îtfaîya semedê mudaxalekerdişê wezîyeto lezgîn perwerdeyî teorik û pratik serrast kerd.

Ekîbê Îtfaîya, kişta sazgehan de mekteb û nêweşxaneyan de derheqê mudaxalekerdişê şewatî de perwerde serrats kerd.

Ekîbê îtfaîya perwerdeyê teorîk ra dima pê tewrê hemwelatîyan tetbîqatê şewatî viraşt.Serra 2022 de 13 henzar û 240 kesÎ perwerdeyê îtfaI^ya ra îstÎfade kerd.