Print this page

Projeya raştkerdişê dorûverî ya Malabadî dest pê kerd

Şaredarîya Bajarê Girdî ya Dîyarbekirî, xebata raştkerdişê dormeleyî ya Pirdo Malabadî yo ke Lîsteya Mîrasanê Cîhane ya Muweqet ya UNESCOyî de ca gêna.

Pirdo Malabadî qezaya Farqînî serra 1147 de demê Artûqîyan de ameya viraştiş û çimeyanê Dîyarbekirî yê muhîman ra yew a.Viraştişê Pirdo Malabadî tesîrê Pirdo Mostarî ya ke Bosna-Hersek de ca gêna û Lîsteya Mîrasanê Cîhanê ya UNESCOyî de yo û Pirdo Sokullu Mehmet Paşayî, kerda.Şaredarîya Girdî nika semedo ke wa rindîya Pirdo Malabadî vejo werte dest pê xebata raştkerdişê dormeleyî kerd.

Serekîya Dayîreyê Park,Baxçe û Cayanê Zergûnînan ya Şaredarîya Girdî do çarçeweya projeyî de 24 henzar metrekareyin ca de rayîrê rayraşîyayişî,kafeterya,cayê kaykerdişê gedeyî,terasê temaşekerdişî,cayê roniştiş û arisîyayişî awan bikero.

Proje de xebata binawanÎ dest pê kerdo û 14 henzar û 500 metrekareyin ca de zî ekîbê şaredarî do dar,vile û leyekî ronê.

Hemwelatîyan do Pirdo Malabadî terasê temaşekerdişî ra temaşe bikerê

Şaredarîya Girdî do semedo ke wa hemwelatîyan Pirdo Malabadî yo ke pirde kerrayine de kemere en hîra yo, hîna rehet teaşe bikerê 210 metrekareyin terasê temaşekerdişî awan keno.

Xebata raştkerdişî ra dima zı semedê roniştişê hemwelatîyan û kaykerdişê gedeyan 400 metrekareyin ca ser o kafeterya û cayê kaykerdişê gedeyî bêra awankerdene.

Semedê resnayîşê zergûnînan 80 metkareyin depoyê awe bêra ronayiş.

“Pirdo Malabadî yo ke Lîsteya Mîrasanê Cîhane ya Muweqet de ca gêna hîna bêra zanayiş”

Sekreterê Pêroyî yê Şaredarîya Bajarê Girdî ya Dîyarbekirî Abdullah Çîftçî xebatan sehna û derheqê xebatan di agahî girewt.

Çîftçî derheqê xebatanê restorasyonî ser o qalî kerd û da zanayene ke Dîyarbekir de restorasyon û prosesê turîzmî ya en muhîm yê tarîxê komare virazîyeno.

Çîftçî derheqê xebatan di wina vat:”İna qepsam de Sûranê îyarbekirî de xebatêke muhîm dest pêkerd û se ra 50yî ci de xebatan qedîya.37 bircê ma zî girîya binê îhale û bircê bînan de zî xebatan dewam kena.Nuqteyê restorekerdişê binyatê tarîxîyan de lebateyêk cidî estê. Restorekerdişê 347 binyatê tescîlî de zî ma xeylê rayîr girewt.Nika ma semedê zêdekerdişê turîste Kelaya Zerzewanî de zî lebate kenî. Hetê Şaredarîya Girdî Kelaya Zerzewanî de semedê awankerdişê Warê Pêşwazî yê Mêmanan îhale virazîya.Hewteyo pêyen de zî uca de xebatan dest pê kerd.”

Çîftçî kîfş kerd ke nuqteyê daşinasnayîşê Pirdo Malabadî û parekerdişê rindîye aye heme miletan rê xebata raştkerdişê dormeleyî zaf muhîm ê.

Çîftçî:”Ma semedê ke rindîya ina berhemê vejê werte lebateyêk cidî mojnenê.Ma semedo ke wa hemwelatîyan tîya de wextê xo hîna weş biveynê, dormeleyê pirdê Malabadî de cayanê gêyrayişî mesire ûsn. ronê, proje viraşt.Bedelê ina proje 24 mîlyon 600  henzar lîra yo.Ma hedef kenê ke mîyanê 180 rojê de xebatan biqedêyo.”

Çîftçî aşkera kerd ke sayeye xebatanê Şaredarîya Girdî de gelek turist do bêrê tîya ziyaret bikerê û Çîftçî qalîkerdişê xo wina qedînay:”Pirdo Malabadî nika Lîsteya Mîrasanê Cîhane ya Muqewet de ca gêna û eke vîyarê Lîsteya Mîrasanê Cîhane ya UNESCOyî do hemwelatîyan hîna rehet tîya ziyaret bikerê û semedê pawitişê ina pirde zî na proje firsendêko pîl o.Ma hedef kenê ke sezonê hamnanî de ina xebate biqedînê û abikerê xizmetê şarî.Turîstan do tîya de hem weşî û rindîya Pirdê Malabadî û Çemê Elîhî temaşe bikerê hem zî hîna rehet bigeyrê.”

Pirdê Malabadî

Pirdê Malabadî qezaya Farqînî Çemê Elîhî ser o raygehê Rayîrê Kerwanan ya Dîyarbekir-Tebrîz de ca gêna û hetê endezyarî û mîmarî çimeyanê Dîyarbekirî yê muhîman ra yew a.Pird 7 metre hîreyî û 150 metre dergi de ya. Kemera aye bi 40.86 metreyin kemera pîj cîhanê de kemera kerrayin ya en derg a.

Pirdê Malabadî çimeyanê tarîxî yê cîhane de en muhîm ra yew a û 9 seserrî yo ke linganê xo ser de ya.Her di hetê pirde de di ode esta û odeyî hetê raywanan sey stargeh ameyê xebitnayene.