Print this page

Walî Alî Îhsan Su:”Hetê keyfweşî,refah û huzurê hemwelatê ma medya û çapemenî zaf muhîm o”

Walîyê Dîyarbekirî û Serekwekîlê Şaredarîya Bajarê Girdî ya Dîyarbekirî Alî ^hsan Su bi wesîleya “10ê Çele Roja Rojnamegeran ya Cîhane” rojnamegerî ke bajarê ma de wezîfe kenî reyde ame têhet.

Walî Alî Îhsan Su bi wesîleya 10ê Çele Roja Rojnamegeran Cemîyetê Rojnamegeran ya Başûrêrojhelatî de rojnamegeran reyde areyî de ame têhet û  roja înan pîroz kerd.

Walî Su goşdarîya waştîşê rojnamegeran kerd û derheqê sermayegozarîyî ke virazîyenê de agahî da înan.

Walî Su da zanayene ke wezîfeyê rojnamegerî semedê heme şarî muhîm o û Su qalîkerdişê xo wina domna:”Her ca de şime serebûtê mîyan de manenê.Her het û ca de îxtîyacîyê ma rojnamegeran rê estê.Semedê dazanyîşê şarî ma muxtacê wesayîtê têkilî yê û ma înan zî sayeye rojnamegerî şuxulnenê.Yane ma ekene vajîme şima xizmetê kamuyî kenî. Hetê keyfweşî,refah û huzurê hemwelatê ma medya û çapemenî zaf muhîm o.Ez bi ina wesîle heme xebatanê şima ver zî spas kena.”

Walî Su kîfş kerd ke dazanayîşê xizmetan de zî rojnamegeran xizmet kenî û qalîkerdişê xo wina domna:”Şima xizmetan anê rojane ma ver û aye ra zî şima sey rayber zî xizmet kenî û eke kemanîyê ma zî estê ma îmkanê telafî vînenê.”

Walî Su da zanayene ke semedê ronayîşê Muzea Çapemenî zî xebatan dewam kenî.

Serekê Cemîyetê Rojnamegeran ya Başûrerojhelatî Mucahît Ceylan zî 10ê Çele Roja Îdarekeran ya Walî Alî Îhsan Suyî pîroz kerd.

Sekreterê Pêroyî yê Şaredarîya Girdî Abdullah Çîftçî zÎyaret de Walî Su reyde tedir bî.

Walî Su zîyaretê rjnamegeran ra dima Merkezê Vengdayişî ya ALO 153î ziyaret kerd û derheqê xebatan di agahî girewt.