17 qeza de 202 heb vindegehê padaye virazîyeno

Şaredarîya Bajarê Girdî ya Dîyarbekirî semedo ke wa hemwelatîyê ke vindegehî de wesayîtê komresî pawenê, hewayê serdin ra mutesîr nêbê 17 qeza rê pêroyî de 200 heb vindegehê padaye ronê.

Şaredarîya Girdî semedo ke wa Dîyarbekirîjan rê xizmetê komresî ya hîna weş bido xebatanê xo domneno.

 Şaredarî do çarçeweya xebatan di qezaya Sûrî de 10, Baxlarî de 10, Peyasî de 15, Yenîşehrî de 15, Licê de 18, Erxenî de 18, Farqîn de 15, Çêrmûg de 15, Pîran de 15, Hênî de 15, Şankûş de 10, Karaz de 10, Pasûr de 10, Çinar de 10, Bismil de 7, Gêl de 5 û Hezro de 4 heb vindegehê padaye ronê.

Semedê vindegehê padaye yê qezayan îhale virazîya û ekîban do 1ê Sibate ra dima zî dest bi montajê vindegahan bikerê.

Ekîbê şaredarî hedef kenê ke ronayîşê vindegehê padaye heta aşma Gulanê biqedînê.