Kitab Qehwe û kiratxaneyê şarî yê ke Şaredarîya Bajarê Girdî ya Dîyarbekirî ser o xebate kena, pê tehtîlê mektebon pirr bî.

Qezaya Yenîşehrî de Kiratxaneyê Şarî, Baxlarî de Parka Birayîye, Peyasî de Meydanê Suke, û Kitab Kehweyê Tema Parkî de kitabxaneyê şaredarî mabênê saetanê 08:00 -21:00 de her roje xizmet dano şarî. Kitabxaneyan Serekîya Dayîreyê Xizmetanê Ciwan û Sporî ya Şaredarî ser o xebate kenî.

Wendekarî hetêk ra kitabxaneyê şarî de cayêko germ û weş de xebetiyenî heto bîn ra zî çay dîyena înan.

Wendekar Taha Tano ke Kitab Qehweyê Tema Parkî ra îstÎfade keno, da zanayene ke her roje yeno tîya de xebetîyeno.Tanî îqramîyê şaredarî Û xizmetanê înan ver keyfweşîyê xo ard ziwanê xo se û şaredarî rê spas kerd.

“Ma aşmî zimistanî de tîya de bê zehmet dersanê xo kenî”

Yusuf Yildizo ke xizmeta Kitab Qehweyê Tema Parkî ra îstîfade keno,wina va:”Ez nêzdîyê 3 hewteyî yena tîya ra îstîfade kena.Ma tîya de rehetî mîyan de xebetîyenî û çay û qehwe sey qramî dîyena ma rê.Ma WÎ-FÎ ra zî bê pere îstîfade kenî.”

Wendekar Ebru Keskîne ke Kitab Qehweyê Meydanê Suke ra îstîfade kena, da zanayene ke 4 aşmî yo yena uca û siba yena heta şewe xebetîyena.Keskîne wîna va:”Ez siba yena tîya û hetanî saetanê şewe xebetîyena.Ma tîya de bêvengî û rehetî mîyan de xebetîyenî.Tîya de îmkananê ma zaf ê.”

Vîndar Ulaye  zî wina va:”Ez tîya de seba KPSS xebetîyena.Ez par ra nata yena tîya.Ma xizmetan ver keeyfwş î.Tîya de îmkananê ma zî estê.Ma tîya de eşken^heme kitaban biwanê, ez na xizmeta weş ver spas kena.”