Print this page

Programê aşma Sibate aşkera bî

Şaredarîya Bajarê Girdî ya Dîyarbekirî,Sezonê Kultur û Senetî ya Sezaî Karakoçî de programê aşma Sibate aşkera kerd.

Serekîya Dayîreyê Karanê Kultur û Sosyalî ya Şareadrîya Bajarê Girdî ya Dîyarbekirî tîyatroyî û sînemayî ra bigîrê heta çalakîyanê sergi,konser,dengbêjan Sezonê Kultur û Senetî domnena.

Çarçeweya aktîvîteyan de aşma Sibate de 9 cîya tîyatro pê 22 seansî hemwelatîyan reyde bêra têhet.

11ê Sibate roja Şeme Konseranê Şaristanî ya Hunermendê TRT,13ê Sibate roja Dişeme Koma Yuruyuş, 20ê Sibate roja Dişeme Dursun Alî Erzînacnli û Koma Dergah konseran bêra tertîpkerdiş.

Banê Dengbêjî yo ke qezaya Sûrî de ca gêno de çalakîyê dengbêjan bêra tertîpkerdiş.Hemwelatîyan teberê roja Dişeme eşkenê hewte de şeş rojî goşdarîya dengbêjna bikerê.

Mezatê kitaban Birca Bize de

Mezatê kitaban her aşme cayêk de virazîyeno û aşma Sibate de zî Birca Bize de hemwelatîyan reyde yena têhet.

Mezatê Kitaban, kitabhes û kitabroşan yenê têhet û kesê ke wazenê kitabî xo roşenê kesê ke zî wazenê erînenê yan zî pê kitabî bîn bibedilnê.

Sayeyê mezatê kitaban de wendoxan kitabanê ke warê felsefe,sosyoloji,îngîlîzkî ûsn çap bîyê, hîna erjan bierînê.

Semedê gedeyan ramojnayîşê sînema

Aşma Sibate her Şeme û Bazare semedê gedeyan Salona Sînema ya Merkezê Kultur û Kongreyî ya Sezaî Karakoçî de fîlmê anîmasyonî bêra nîşandayîş.