Xirbeyê awanîyî ke erdlerzî de rijîyayî yena pawitiş

Erdlerzo ke Mereş de qewimîya, ver Dîyarbekir de zî 7 awanî rijîyabi û yew awanîya ke xesaro giran giretbî ameybi weşonîyayiş.Şaredarîya Bajarê Girdî ya Dîyarbekirî xirbeyê nê awanîyan warê herfîyatî de ard pêser.

Erdlerzo ke merkeze ci Mereş bî, Dîyarbekir de zî ame hîskerdene û qezaya Yenîşehrî de 2, qezaya Baxlarî de 5 awanî rijîya.Yew awanîya qezaya Baxlarî de zî hetê selahîyetdaran ame weşonîyayiş.

Şaredarîya Girdî, xebata cigeyrayîş û xelasnayîşî ra dima dest pê xebata wedaritişê xirbeyan kerd û çarçeweya xebatan di xirbeyan kirişîya qezaya Yenîşehrî taxa Dokuzçeltîkî ya sehayê herfîyatî û xirbeyî goreyê awanîyan abirnîya û tabela aliqîya ke aîdê kamcî awanîyan ê.   

Ekîbê şaredarî semedo ke hem verê leyminbîyayişê dormeleyî bigîrê hem zÎ weşîya şarî bipawo, kîl û kirêc rişnena molozan ser.

Eşteyê xirbeyan semedo ke zerar nêdê çimeyê awe û dormeleyî  goreyê qeydêyê kontrole eşteyê herfîyatî yena depokerdiş.

Serekîya Dayîreyê Pawitişê Dormeleyî û Kontrolkerdişî ya Şaredarîya Girdî uca de xebata roşnîkerdişî viraşt û sehayê herfîyatî pê kamerayan yena temaşekerdiş.Polîsan zî uca de wezîfe kenî.

Qedîyayişê merheleyê hûqûqî ra dima zî seha de xebata abirnîyayişî bêra viraştiş.

 

Â