Şaristanê çadiran de xebatanê awa şimitişî û kanalîzasyonî qedîya

Midurîya pêroyî yê Awe û Îdareyê Kanalîzasyonî ya Şaredarîya Bajarê Girdî ya Dîyarbekirî(DÎSKÎ) şaristanê çadiran ke rayîrê Farqînî ser o ca gêna, de xebatanê awa şimitişî û kanalîzasyonî qedînay.

Şaristanê çadiran de heme lazimtîyê hemwelatîyan do bêrê peydaerdiş û çarçeweya xebatan di ekîbê Dîskî 2 henzar û 600 metre xeta awa şimitişî,2 henzar û 100 metre xeta kanalizasyon û 1800 metre xeta terfî virazîya.

 Midurê Pêroyî ya Dîskî xebata binawanî qedînay û cayanê tuwalet û awexorokerdişî zî akerd xizmetê şarî.

Şaristanê çadiran de 1800 metre xeta awa eşte virazîya û awa eşte tîya de bêra pêser û tesîsê awguznayîşê bîyolojîk ya Çarixli de bêra pakkerdiş û bin o qayde bêr averdayiş Çemê Dîcle.

Sekreterê Pêroyî yê Şaredarîya Bajarê Girdî ya Dîyarbekirî Abdullah Çîftçî û Qeymeqomê Yenîşehrî Murat Beşîkçi xebatan ca de sehnayî û Midurê Pêroyî yê Dîskî Firat Tutşî ra derheqê xebatan di agahî girewt.

Tutşî da zanayene ke şaristanê çadiran de semedo ke hemwelatîyan xizmetan ver zehmetî nêancê xebatan bi balkeşî virazîyeno û badê derheqê xebatan di wîna vat:”Ma bi heme beş û xebatkarî Dîskî bê mabên xebetîyenî ke xebata binawanî yê şaristanê çadiran bi leze temam bikerê.Çi destê m ara ame ma texsîr Nêkerd.Ma hetêk ra semedê akerdişê xeta awa şimitişî heto bîn ra zî semedê xeta awa eşte xebetîyenî.Ekîbê ma semedê lazimtîyê tuwalet û awexooerdişî hemwelatîyan xebata awa şimitişî û kanalîzasyonî qedînay.”