Kursanê sporî ya Şaredarîya Bajarê Girdî ya Dîyarbekirî, 12 aşme bê mîyan dewam kena û 5 henzar gede û ciwanî tira îstîfade kenê.

Serekîya Dayîreyê Xizmetanê Ciwan û Sporî ya Şaredarîya Bajarê Girdî ya Dîyarbekirî, erdlerzo Mereşî ra dima mîyan dîyabi kursanê sporî û 21 branş de kursê sporî newera dest pê kerd.

Gede û ciwanî mabênê hewte de 7 rojî saetanê 08:00-17:00 mîyan de tewrê kursanê fitbol,voleybol,basketbol,badminton,tenîsa masayî,kîck boks,judo,tenîsa kortî,atletizm,taekwono,hokeye zirçî,kogerî,asnawberî,karate,guleş,hentbol,jîmnastîk,şopgerî,tîreştişî,dart û satrançî benê.

“Kursanê qabîlîyeto taybet”

Serekîya Dayîreyê Xizmetanê Ciwan û Sporî ya Şaredarîya Girdî semedo ke ciwananê ke wazenê tewrê îmtîhanê Pomem, leşkerî û mektebê polîsan bibê bê pere îstîfade bikerê, kursê qabîlîyeto taybet de perwerde dîyena ciwanan.

“Sporanê Sibayî”

Hemwelatîyan, atronoran reyde Abit Park,Tema Park,Koşu Yolu,Birayîye,Meydana Şaristanî,Parka 15 Temmuze,Seyrantepe Tokî û Parka ke Daîreyê Zevecnayişî ya Peyasî de sporê sibayî kenê.

Hemwelatîyan hewte de 7 rojî saetanê 07:00-10:30 mîyan de eşkenê tira îstîfade bikerê.

Hemwelatîyan nêzdîyê 3 saet antronoranê cinî û camêrdan reyde hema hema hîrê saetî spor kenê.