Şaredarîya Bajarê Girdî ya Dîyarbekirî, sayeya bîrê sondajî ke Hewzaya Gozelî de akerdo,awa tarîxî ya Hevrawatî hênîyan ra kirişîyeno keyeyê Dîyarbekirijan.

Midurîya Pêroyî yê Awe û Îdareyê Kanalîzasyonî ya Şaredarîya Bajarê Girdî ya Dîyarbekirî (DÎSKÎ) semedo ke awa qapasîteyê awe ya bajarê ma bizedno, Hewzaya Gozelî de hûmara bîrê sondajî kerd zêde û pêroyî de 4 bîre awe ame akerdişGoreyê ke yeno vatiş Qanûnî Sultan Silêman ameyo tîya de şifa dîyo,

Eke ekîbê şaredarî, xebata rehabîlîtekerdişê 16 bîrê sondajî biqedînê, se ra 13 lazimtîya awe ya Dîyarbekirî awa Hevrawatî ra bêra peydakerdiş.

Sekreterê Pêroyî yê Şaredarî Abdullah Çîftçî xebatan ca de sehna

Sekreterê Pêroyî yê Şaredarîya Bajarê Girdî ya Dîyarbekirî Abdullah ÇÎftçî xebatan ca de sehna û derheqê xebatan di Midurê Pêroyî yê DÎSKÎ Firat Tutşî ra agahî girewt.

Çîftçî bal ont girîngîya xebatanê ke dewam kenî û badê derheqê xebatan di wina vat:”Ma semedo ke wa hemwelatê ma awa şimitişî ver nêkune tengî û sibaroja bajarê xo xebetîyenê.Ma Hewzaya Gozelî de bîrê newî akerd û ma tira xeylê awa pak peyda kerd.Xeyrin bo.”

Tutşî zî derheqê xebatan di wina vat:”Ma her sondaj û xebate de semedê pawitişê awa Hevrawatî xebetîyenî.Ma do semedê pawitişê çimeyê awe xebatanê xo bidomnê.”

 Awa Hevrawatî

Awa Anzeleyî, belgeyanê tarîxî de sey çimeyê awe ya en tarîxî ya û hetê Qanûnî Sultan Silêman ameyo viraştiş.

İna çime mintiqa Gozelî de nêzdîyê dewa Serapguzelî de 14 kîlometre dûrî de ca gêno.La çimeyê awe ya tîya pê nameyê Hevrawatî namdar o.Qanûnî Sultan Silêman aşma zimistanî Heleb de veyneno û 6ê Hezîrana serra 1549 de wexto ke Heleb ra ageyrêno, Dîyarbekir de beno nêweş û berdîyenê warê Qerejdaxî uca de şit, pênîr û goşt wenê û yeno vatiş ke sayeya awa Hevrawatî ra baş beno û badê,

Nê vateyan vato:”

“Cîhan de çîyêk sey dewlete çin a

Dewlet dinya de sey helmê weşîye yo,

Çîyeke tira vanê siltanatî şerê cîhane yo

Bewtewarî sey yewîya cîhane yo.”

No beyte ke pê nê misrayanê namdar dest pê keno, Qanûnî Qerejdax de nuşto.