Toximê çeltugî dîya citkaran

Walîyê Dîyarbekirî û Serekwekîlê Şaredarîya Bajarê Girdî ya Dîyarbekirî Alî Îhsan Su tewrê merasîmê vilakerdişê toximê çeltugî bîyî.

Şaredarîya Bajarê Girdî ya Dîyarbekirî bi şirikîya Wezaretê Zîret û Daristanî qepsema projeya “Îstîhsal,Vilabîyayiş û Averberdîşê Çeltugê Qerejdaxî,citkaranê qezayanê Çinar,Çermug,Baxlar,Hezro,Erxenî û Yenîşehrî pêroyî de 93 citkarî rê 169 ton toximê çeltugî dîya.

Merasîm Salona Kombîyayişê Alî Emîrî de virazîya.

Walî Alî Îhsan Su merasîmê vilakerdişê toximê çeltugî de qalî kerd û da zanayene ke bajarê ma her sektör de wayîrê potansîyelêko pîl a.  

 “Ma semede averberdîşê birince xo projeyanê girîng virazenê”

Walî Su kîfş kerd ke bajarê ma sektöre zîrerî de hetê xele,peme,birinc ûsn wayîrê potansîyelêko pîl a.

Wal3ı Su vîr vist ke birince Qerejdaxî serra 1992 de hetê GAPUTEMî ameya tescîlkerdiş û serra 2018 de zî tescîlê hêremî girewto.

Walî Su qalîkerdişê xo wina qedînay:

“Bajarê ma wayîrê xeylê mehsulê taybet a.Nînan ra yew zî çeltugê Qerejdaxî yo.Teyna ina mintiqa de esta û bi tehm,aromaya xo birincanê bîn ra xeylê cîya yo.Ma do semede averberdîşê ina mehsulî xebatanê xo bidomnê.Heme citkaranê ma rê xeyrin bo.”

Merasîm rê Sekreterê Pêroyî yê Şaredarîya Bajarê Girdî ya Dîyarbekirî Abdullah Çîftçî,Midurê Zîret û Daristanî ya Dîyarbekirî Mustafa Ertan Atalar,hetkarê sekretere pêroyî ya şaredarî û serekê dayîreyan û citkaran beşdar bîyî.

 

 

 

Serrnameyî de bigêre

« Kanûne 2023 »
Diş Sêş Çrş Pan Yen Şem Yşm
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31