Şaredarîya Bajarê Girdî ya Dîyarbekirî, desteg dana gêyrayîşê qezaya Pulurî ya Dêrsimî de ciwanî ke bi ereba ginayo piro û kewtê Royê Munzurî mîyan.

Şaredarîya Girdî, gêyrayîşê Baran Aslantaşo(22),Azad Demîrelo(21) û Mehmet Can Demîrelo(22) ke bi ereba xo Dîyarbekir ra şîyê Dêrsimî, ginayo piro û Royê Munzurî mîyan de vînî bîyê, domnena.

Xebata Gêyrayîşî bi koordîneya Walîtîya Dersimî û hetê AFAD,cenderme,UMKE û selahîyetdaranê Pawitişê Xoza û Parkanê Milî,Şaredarî,asayîşî, îtfaîya û endamê Cigeyrayîş û Xelisnayîşê Munzurî û zerrîwazanê AFADî pêroyî de 1073 kesî dewam kena.

Îtfaîyaya Dîyarbekirî zî xebata gêyrayişî rê bi xebatkar û malzemeye teknîkî desteg dana.