Şaredarîya Bajarê Girdî ya Dîyarbekirî qezaya SÛrî taxa Sarilar de pirdêk awan kerd û 16 taxe ame bestiş.

SereKîya Dayîreyê Ciewnîyayişê Rayîr û Koordînasyonê Binawanî ya Şaredarîya Girdî taxa Sarilar de Çemê Dîcle ser o 108 metre dergi û 10 hîrayî de pird awan kerd.

Pird qezayanê Sûr,Bismil û Çinarî bestena semede vîyartişê wesayîtê pîl cayêko girîng der o.

Xizmetêko pîl bi

Muxtarê Taxa Sarilarî Mehmet Nurî Sari da zanayene ke 25 serrî de bi îmkananê înan pird virazîyayo.Sari da zanayene ke wezîyeto lezgîn de zî nêşikîn ke nêweşanê xo bîyarê nêweşxane û bade qalîkerdişê xo wina domna:”İna xizmet xizmetêko pîl a,3 qeza û 16 taxe ame pabestiş.Ma vere cû 30 km şîyêne û ameyên eû rayîrê ma derg bi.Demê ke ave berz bîyêne ma zaf zehmetî ancêne.La nika kes zehmetî nêancena.Hemwelatê ma keyfweş î.Ma heme kedwerê ina xebate rê spas kena.

Hemwelatê taxa Sarilarî Celal Sari zî keyfweşîyê xo ard ziwanê xo ser û wina vat:””Verê cû demo ke awe berz bîyêne ma nêşikîn ke şerê, aye r ana xizmet xizmetêko pîl a.”