Şaredarîya Bajarê Girdî ya Dîyarbekirî, qenalanê ke xetimîyenê kena pak û newera kena xizmetê şarî.

Midurîya Awe û Îdareyê Kanalîzasyonî ya Şaredarîya Bajarê Girdî ya Dîyarbekirî(DÎSKÎ), qenalanê ke çopan ver xetimîyenê, bi vîdanjoran kena pak û sîstemê qenalan pawenê.

Midurê Pêroyî yê DÎSKÎ Firat Tutşî, xebatanê ke hetê ekîban qezaya Peyasî de virazîyenê, ca de sehna û da zanayene ke şebekeyanê awe û kanalîzasyonî hetê 116 xebatjkarî bi 22 ekîban şewe Û roje bê mîyan dewam kena.

Tutşî derheqê xebatan de wina vat:”Ma semedo ke weşîya şarî bipawê şewe Û roje bê mabên şebekeyanê awe û kanalîzasyonî de xebata pakî û temirî  domnenê. Ekîbê ma kêmanîyan ca de tespit kene û ca de safî kenê. Semedo ke wa sîstemê qenalan hîna weş bixebitê gereke hemwelatîyan çopanê xo meerzê mîyanê qenalan.”