Şaredarîya Bajarê Girdî ya Dîyarbekirî qezaya semedo ke wa probleme awe safî bikero û Hênî qenalanê Aynkebirî yo ke xebitnayîşê xelet ver xetimîyabi akero dest pê xebatan kerd.

Qenalanê Aynkebirî xebitnayîşê xelet ver hem xetimîyena hem zî zerar dana Medreseyê Xatûnîye aye ra zî Şaredarîya GirdÎ semedê safîkerdişê nê probleman projeyêke hadre kerd.

Proje hetê Serekîya Dayîreyê Bêja ya Şaredarî virazîya û sayeya na proje de probleme awe yê citkaran 50 serrîyan bêra safîkerdiş.

500 citkarî tira îstîfade bikerê

Çarçewa xebate de ekîban do 250 metre qenalê trapez,15 qapaxê prize hegayî,180 metre û 50 metre dergi de di menfez û 600 metre borî virazê.

Şaredarê Hênî Îbrahîm Lale û Serekê Dayîreyê Xizmetanê Bêja ya Şaredarî Nîhat Nurbakî xebatan ca de sehnayî Û derheqê xebatan di agahî girewt.

Yena hedefkerdiş ke 800 donim hega bêra awedayîş û 500 citkarî tira îstîfade bikerê.

Awa Aynkebirî

Awa Aynkebirî bine Camîya Pîle ya Hênî de ca gêna û şarî mîyan de sey Aynkebirî yena zanayîş. Çimê awe baş nêno zanayîş.Awe 9 qemere ra yena û hewzeyêka pîl de pirr bena û rayîrê 3 qemeran ra gan dana hegayanê ke başûre.Çimeya Aynkebirî çimeyê qet yew a Hênî yo.